Qazaly aýdanynda Áıteke bı eskertkishi ornatyldy
Atalmysh sharaǵa Qyzylorda oblysynyń ákimi Qyrymbek Kósherbaev qatysty.
«Respýblıka kóleminde Áıteke bıdi este qaldyrý baǵytynda biraz jumystar atqaryldy. Onyń atynda aýdan, kósheler, aýyldar bar. Osy aýdannyń ortalyǵy da - Áıteke bıdiń esimimen atalady. Ótken jyly babamyzdyń eńseli eskertkishin ornatý týraly sheshim qabyldaǵan edik. Búgin mine, eskertkish te óz tuǵyryna qondy. Elbasy óziniń «Rýhanı jańǵyrý» baǵdarlamalyq maqalasynda «Patrıotızm eń aldymen týǵan jerge, óz aýylyna, qalasyna, óńirine jáne kishi otanyna degen súıispenshilikten bastaý alady» degen bolatyn. Al, qazaqstandyq patrıotızmdi qalyptastyryp, ilgeri damytý ultymyzdyń uly adamdarynyń úlgi-ónegesin urpaqqa dáripteý arqyly júzege aspaq. Olaı bolsa, Áıteke bıdeı ulylardy ulyqtaý - búgingi urpaqtyń azamattyq paryzy», - dedi oblys ákimi Qyrymbek Kósherbaev.
Eskertkishtiń ashylýyna arnaıy Ózbekstan Respýblıkasynyń Naýaı oblysyndaǵy Áıteke bı kesenesinen topyraq ákelinip qoıyldy.
Sondaı-aq, aýyl turǵyndaryn tarıh ǵylymdarynyń doktory, etnolog Ahmet Toqtabaı jáne aýdandyq ardagerler keńesiniń tóraǵasy Orazǵalı Bekbanov quttyqtady.