«Qazaqjolqurylys» dırektory para bergeni úshin 30 mln teńge aıyppul tóleıdi

NUR-SULTAN. QazAqparat - «Qazaqjolqurylys» dırektory kompanııalardyń biriniń basshysyna para bergeni úshin 30 mln teńge aıyppul tóleýge mindetteldi. Bul týraly Sybaılas jemqorlyqqa qarsy is-qımal tergeý departamentiniń aǵa tergeýshisi Danııar Bıǵaıdarov málimdedi, dep habarlaıdy QazAqparat tilshisi.

«Bıyl maýsymda «Qazaqjolqurylys» JShS dırektory Z. Doşanovqa qatysty 30 mln teńge somasynda iri aıyppul tóleý úkimi shyqty. Ol «Jol laboratorııa» Almaty tekserý kompanııasynyń dırektoryna eki mıllıon teńge somasynda para bergen. Oǵan jol qurylysy kezinde materıaldardy arzan zattarǵa ózgertýge keliskeni úshin aıyppul salyndy», - dep habarlady Danııar Bıǵaıdarov.

Onyń aıtýynsha, Z.Doşanovtyń ómir boıyna memlekettik qyzmette jáne jergilikti ózin-ózi basqarý organdarynda laýazymdy qyzmet atqarýyna tyıym salyndy.