Qazaqy tazy men tóbettiń tuqym-teginen málimet beretin anyqtama jasalady

ASTANA. QazAqparat – Orman sharýashylyǵy jáne janýarlar álemi komıteti qazaqy tazy men tóbettiń tuqym-tek kitabyn júrgizý erejesin ázirlep, Ashyq NQA portalynda kópshilik talqysyna shyǵardy, dep habarlaıdy QazAqparat tilshisi.

Biryńǵaı tuqym-tek kitabyna taza tekti tazyǵa jatatyn ıtterdiń tól kartasyndaǵy myna málimetter engiziledi:

- tirkeý nómiri, shyǵý tegi men tuqymy;

- tiri salmaq boıynsha atalyq jáne analyq sıpattamalary;

- baldyq júıemen baǵalaý ındeksi;

- analyqtardyń juptasý jáne kúshikteý esebi;

- atalyqtardyń, analyqtardyń tuqymǵa paıdalaný derekteri jáne olardan taraǵan ıtterdiń sapasyn esepke alý málimetteri;

- ıtterdiń laqap aty, jeke nómiri, tuqymy, týǵan kúni men jeri, shyǵý tegi;

- shoqtyǵynyń bıiktikti, keýde qýysynyń tereńdigi, deneniń qıǵash ólshemdei uzyndyǵy (ólsheý taıaqshasymen), metakarp sheńberiniń ólshemi;;

- óńi, týǵan jyly;

- júniniń sıpaty;

- bas qurylymy, jaq pen qulaq sıpaty;

- moıyn qurylysy.

Al taza tekti tóbetke jatatyn ıtterdiń tól kartalaryndaǵy myna málimetter engiziledi:

- tirkeý nómiri, shyǵý tegi men tuqymy;

- tiri salmaq boıynsha atalyq jáne analyq sıpattamalary;

- baldyq júıemen baǵalaý ındeksi;

- analyqtardyń juptasý jáne kúshikteý esebi;

- atalyqtardyń, analyqtardyń tuqymdyq paıdalaný deregi, jáne olardan taraǵan ıtterdiń sapasyn esepke alý málimetteri;

- laqap aty, jeke nómiri, tuqymy, týǵan kúni men jeri, shyǵý tegi;

- óńi, týǵan jyly.

- júniniń sıpaty;

- bas qurylysy, jaq pen qulaq sıpaty;

- moıyn qurylysy.

Tuqym-tek kitabyn júrgizýge laıyqty ıtter mynandaı sıpattar boıynsha iriktelmek:

Tazy ıtteriniń tuqymdary boıynsha:

Erkek tazylary enesi men ákesiniń keminde úsh býyndaǵy tek shejiresiniń derekteri bolsa jáne ózinen taraıtyn tuqymnyń tizbegin jetildirýshi qabyleti dáleldense;

Urǵashy tazylar enesi men ákesiniń keminde úsh býyndaǵy tek shejiresiniń derekteri bolsa.

Tóbet tuqymdary boıynsha:

Tóbet erkegi ózinen taraǵan býyndardyń sapasy boıynsha baǵalanady. Munda da enesi men ákesiniń keminde úsh býyndaǵy tek shejiresiniń derekteri bolýy shart.

Urǵashy ttúrleri úshin enesi men ákesiniń keminde úsh býyndaǵy tek shejiresiniń derekteri bolýy shart.

Sondaı-aq biryńǵaı tek-tuqym kitabyna jyl saıyn taza tekti ıtterdiń ıtterdiń tuqym taratýǵa paıdalaný derekteri, olardan taraǵan býyndardyń derekteri kartotekalyq júıemen engizilip otyrady.

Qujat 1 shildede kúshine enedi dep josparlanǵan.

Foto: mydog.press