Qazaqtyń shyǵý tegin zertteıtin jańa ǵylymı-zertteý jobasy júzege asyryla bastady
Ol «Qazaq halqynyń shyǵý tegi», «Qazaq tiliniń shyǵý tegi» jáne «Qazaq mádenıetiniń shyǵý tegi» degen úsh ǵylymı-zertteý serııalarynan quralady. Joba avtorlary - Borıs Shyrdabaev pen Ulan Ábish.
«Jobany ár serııanyń alǵashqy tomy bolyp esepteletin qazaq tilinde basylyp shyqqan «Qazaq halqynyń antropologııalyq tarıhy», «Qazaq tili tarıhy: Fonetıka» jáne «Qazaq halqynyń tabıǵat minajaty jáne emdeý magııasy» atty kitiptar ashyp otyr. Onyń alǵashqy danalary endi QR Mádenıet jáne aqparat mınıstrligine, QR Bilim jáne ǵylym mınıstrligine, Shoqan Ýálıhanov atyndaǵy Tarıh jáne etnologııa ınstıtýtyna, Baıtursynuly atyndaǵy Til bilimi ınstıtýtyna jáne elimizdiń bas oqý oryndaryna tapsyrylatyn bolady», - deıdi qor dırektory Meıirjan Qurmanov. Onyń aıtýynsha, jobanyń basty maqsaty ǵasyrlar men qashyqtyqtardy sholyp, qazaqtyń ata-babalarynyń, olardyń tili men mádenıetiniń qaınar kózderin belgilep, qazirgi qazaqtar men Qazaqstan jáne Eýrazııa ortalyq beldeýiniń ejelgi turǵyndarynyń arasyndaǵy baılanys pen sabaqtastyqty anyqtaý. Onda izdenisterdiń negizine ejelgi jáne ortaǵasyrlyq jazba derekteri, arheologııa, etnografııa, folklor, shejire, materıaldyq jáne rýhanı mádenıet derekteri, kórshiles halyqtardyń qazaqtar men olardyń ata-babalary týraly málimetter jáne basqa da derekter alynbaq.