Qazaqtyń ósimin 20-30 jyldardaǵy qoldan uıymdastyrylǵan asharshylyq turalatty - S. Elýbaı

ASTANA. Qyrkúıektiń 17-si. QazAqparat /Rýslan Ǵabbasov/ - Qazaqty ósimin  20-30 jyldardaǵy qoldan uıymdastyrylǵan asharshylyq turalatty. Bul týraly búgin Astanada «Amanat» ıntellektýaldy pikirsaıys klýbynyń  20-30 jyldarda oryn alǵan alapat asharshylyq máselesine arnalǵan otyrysynda jazýshy Smaǵul Elýbaı osylaı málim etti,

  dep habarlaıdy QazAqparat.

 «1897 jyly Reseı ımperııasynda alǵashqy sanaq boldy. Sonyń deregi jazylǵan. Alǵashqy sanaqta ózbekter 726 myń, túrikmender 280 myń. Sol kezde qyrǵyzdardy qara qyrǵyz dep jazǵan jáne olardyń sany 201 myń bolǵan. Al bizdi qyrǵyz-qaısaq degen ol kezde. Sonda biz 4 mıllıon 84 myń bolǵanbyz. Al endi 1926 jyldaǵy sanaqqa toqtalatyn bolsaq, jalpy Keńes Odaǵynda qazaqtardyń sany 3 mıllıon 968 myń adam, ózbekter 3 mıllıon 900 myń delingen. Sonda 30 jyl burynǵy sanaqpen salystyrǵanda qazaqtardyń sany kemip tur, ıaǵnı eshqandaı ósim bolmaǵan. Al 700 myń bolǵan ózbekter 4 mıllıonǵa jaqyndaǵan. Sondaı-aq 200 myń qyrǵyz 884 myń bolyp, 30 jylda 4 ese ósim bergen. Al sol kezde 4 mıllıonnan asqan qazaq nege ósim bermeýge tıis. 26 jyldaǵy sanaqta qazaqtyń tabıǵı ósimi 16 mıllıon bolýǵa tıis edi», dedi jazýshy.

 «Qazirgi kúnge deıin 21-22 jyldardaǵy qyrǵyn týraly kóp aıtylmaıdy.  Bul asharshylyq elimizdiń geosaıası jaǵdaıyna, tiline, diline, qaýipsizdigine, ıaǵnı barlyǵyna áser etti. Minekı halyqtyń azdyǵy... Qazaqty 20-30 jyldardaǵy qoldan uıymdastyrylǵan asharshylyq turalatyp bitti», dedi S. Elýbaı.