Qazaqtyń qyzy Reseıdegi úzdik 25 kompanııa basshylarynyń qatarynda

ASTANA. QazAqparat - «Bazalyq element» kompanııasynyń basshysy, Almaty týmasy Gúljan Moldajanovanyń esimi Forbes jýrnalynyń jyl saıynǵy reıtınginde Reseıdegi eń qymbat 25 kompanııanyń qataryna kirdi.

6 mln. dollar tabys jınaǵan Gúljan Moldajanova 17-shi oryn aldy. «Bazalyq element» kompanııasy basshysynyń úzdik 25 basshynyń reıtınginde jalǵyz áıel ekenin atap ótý kerek.

Gúljan Moldajanova 1966 jyldyń 11 maýsymynda Almatyda dúnıege keldi. Bilimi boıynsha fızık. 1989 jyly Qazaq memlekettik ýnıversıtetin úzdik támamdaǵan. Odan keıin Máskeýdegi aspırantýrada bilim alý úshin Qazaqstannan ketken. 27 jasynda ǵylym kandıdaty atandy, al 1994-1995 jyldary MMÝ-de ǵylymı jumyspen aınalysty.

Bilimi: Qazaq memlekettik ýnıversıteti, RF Úkimeti janyndaǵy Qarjy akademııasy.

Eńbek joly:

1995 - «Alıýmınprodýkt», hatshy 1995-1999 - «Sibir alıýmınııdiń» esepshisi, qarjylyq menedjer, kommertsııalyq dırektor;

2000-2004 - «Rýsal» kompanııasynyń satý jáne marketıng boıynsha dırektory, strategııa jáne birlesken damý boıynsha dırektor;

2004-2005 - alıýmınıı bıznesi boıynsha basqarýshy dırektor, «Bazalyq element» kompanııasy bas dırektorynyń birinshi orynbasary;

2005-2009 - «Bazalyq element» kompanııasynyń bas dırektory;

2009-2011 - «ESN» tobynyń bas dırektory; 2012 jyldan bastap - «Bazalyq element» kompanııasynyń bas dırektory.