Qazaqtyń kemesi Qara teńizge shyqty - respýblıkalyq basylymdarǵa sholý
***
Keshe Memleket basshysy Nursultan Nazarbaev Qazaqstan Respýblıkasy Prezıdentiniń sapa salasyndaǵy «Altyn sapa», bıznestiń áleýmettik jaýapkershiligi salasyndaǵy «Paryz» baıqaýlary boıynsha syılyqtarynyń jáne Qazaqstan Respýblıkasy Prezıdentiniń arnaıy syılyǵynyń laýreattaryn marapattaýǵa arnalǵan saltanatty rásimge qatysty. Marapattaý rásimi barysynda Qazaqstandaǵy ındýstrııalyq nysandardyń tusaýkeseri jáne olardy iske qosýǵa arnalǵan jalpyulttyq telekópir bolyp ótti. Astanadaǵy «Saryarqa» velotregi sporttyq kesheninde Premer-Mınıstr K.Másimovtiń jáne Úkimet músheleriniń qatysýymen ótken saltanatty rásimge 6 myńǵa tarta adam qatysty. Osy jaıttar qamtylǵan maqala «Egemen Qazaqstan» gazetinde «Qýatty Qazaqstannyń qaryshty qadamdary» degen taqyryppen berilip otyr.
«Keshe Ortalyq saılaý komıssııasy Jalpyulttyq sotsıal-demokratııalyq partııasynyń (JSDP) Qazaqstan Respýblıkasy Parlamenti Májilisiniń depýtattyǵyna 54 kandıdat engizilgen partııalyq tizimin tirkedi», - dep jazady «Egemen Qazaqstan» gazeti. Basylymnyń atap ótýinshe, JSDP-nyń tirkelgen partııalyq tizimindegi kandıdattardyń quramynda bes ulttyń ókili bar. Olardyń 25 paıyzyn áıelder quraıdy. Tizimge engizilgen kandıdattardyń 40 paıyzy jasy 55-ke deıingiler. Al eń jas úmitkerdiń jasy - 25-te. Bilimderine kelsek, kandıdattardyń 96 paıyzy joǵary bilimdi. Olardyń úshten birine jýyǵynyń mamandyqtary zańger jáne ekonomıst bolyp keledi. Úmitkerlerdiń 25 paıyzdan astamy túrli halyq sharýashylyǵy salalarynyń mamandary.
***
Astanadaǵy Han shatyrynda Táýelsizdiktiń 20 jyldyq qurmetine jalpy salmaǵy 300 keli bolatyn et asylmaqshy. Mundaı jaǵymdy jańalyqty jarııalap otyrǵan «Aıqyn» gazetiniń jazýynsha, úıde ǵana qazan kóterip úırengen qazaqqa ǵana emes, elimizdi mekendeıtin ózge ulttar men qadirli qonaqtarǵa da jeńsik as retinde belgili et ulanasyr rásim retinde tuńǵysh ret uıymdastyrylmaqshy. «Aktsııa 16 jeltoqsanda «Han shatyrda» Bilim jáne ǵylym mınıstrliginiń qoldaýymen ótkiziledi. Bul týraly keshe «Qazbrend» qoǵamdyq qory habarlady», - dep jazady basylym.
«Irlandııanyń astanasy Dýblın qalasynda kıkbokstyń fýl-kontakt júıesi boıynsha álem chempıonaty aıaqtaldy. Atalǵan jarysta Qazaqstan quramasy sapynda 13 sportshy óner kórsetti. Nátıjesinde 8 medalǵa ıe boldyq. Tarqatyp aıtsaq, 1 altyn, 3 kúmis jáne 4 qolany oljalaǵan jerlesterimiz komandalyq esepte myqtylar sanatyna qosyldy», - dep jazady «Aıqyn» gazeti senbilik sanyndaǵy «Dýblınnen segiz júldemen oraldy» degen taqyryptaǵy maqalasynda. Sondaı-aq osy basylymnyń «Topjarǵan» aıdarynan sport súıer qaýym úshin taǵy da birqatar jańalyqtar berilgen.
***
Súıinshi! Qazaqtyń eki birdeı kemesi Qara teńizge shyqty. Aframax úlgisindegi sý jańa munaı tasıtyn tankerlerge «Alataý» jáne «Altaı» dep at qoıylyp otyr. Olar Qara teńiz jáne Jerorta teńizderi boıymen qatynap, Qazaqstannyń munaıyn Erýopaǵa tasymaldaıdy. Osyǵan oraı keshe, jeltoqsannyń 9-y kúni Grýzııanyń Batýmı portynda atalǵan eki júk kemesiniń biri - «Altaı» tankeriniń tusaýy kesildi. Bul jaıynda tereńirek bilgińiz kelse, «Alash aınasy» gazetiniń búgingi sanyndaǵy «Qazaqtyń kemesi Qara teńizge shyqty» degen taqyryptaǵy maqalaǵa nazar salyńyz.
***
«Kazahstanskaıa pravda» gazetiniń jazýynsha, QR Parlament Senaty Tóraǵasynyń orynbasary Aleksandr Sýdın bastaǵan palata depýtattary GFR ІІM Parlamenttik Stats-hatshysy, Federaldyq úkimettiń kóshi-qon jáne az ulttar jónindegi ýákili, Qazaqstanda turatyn nemister máselesi jónindegi Qazaqstan-Germanııa Úkimetaralyq komıssııasynyń teń tóraǵasy Krıstof Bergnermen kezdesti. Kezdesý barysynda Qazaqstan men Germanııanyń ekijaqty qatynastaryn odan ári damytý máseleleri talqylandy.