Qazaqtyń tuńǵysh Olımpıada chempıonyn tárbıelegen bapker ómirden ozdy
Bul týraly elimizdiń grek-rım, erkin jáne áıelder kúresi federatsııasynyń baspasóz qyzmeti málimdedi.
«Grek-rım, erkin jáne áıelder kúresi federatsııasy" respýblıkalyq qoǵamdyq birlestigi atynan el sporttyń jarqyn juldyzy, KSRO enbegi sinirgen jattyqtyrýshy, grek-rım kúresinen Olımpıada Oıyndarynyń jeńimpazy, álem chempıony Jaqsylyq Úshkempirovtiń alǵashqy bapkeri Ilmatov Rom Hasanovıch ómirden mezgilsi ozýyna baılanysty kóńil aıtamyz. Rom Hasanovıch joǵary dárejedegi ulaǵatty ustaz ári adamgershilik qasıetteri mol jany jaısań, bolmysy bólek adam edi. Onyn asyl minezi men jetistekteri barshamyzdyń jadymyzda máńgi saqtalady», - delingen habarlamada.
Bilikti bapker 1936 jyly Shyǵys Qazaqstan oblysy Borodýlıha aýdanynda dúnıege kelgen. Ol 26 aqpanda 88 jasqa tolǵan bolatyn. Al bapkerdiń shákirti Jaqsylyq Úshkempirov 1980 jyly Máskeý Olımpıadasynda grek-rım kúresinen 48 kelide chempıon atanǵan. Sonymen birge, 1981 jyly ótken álem birinshiliginiń jeńimpazy. Ol 1980 jyly Prevıdzede ótken Eýropa birinshiliginde kúmis júldege ıe boldy. Aıta ketsek, grek-rım kúresinen tuńǵysh Olımpıada chempıony, Álem chempıony, Qazaqstannyń eńbek eri, «Barys», «Qurmet» «Parasat» ordenderiniń ıegeri Jaqsylyq Ámiráliuly Úshkempirov 2020 jyly 2 tamyz kúni baqılyq bolǵan edi.