Qazaqtyń «Orteke» óneri Qytaıda tanymal boldy

<p>ASTANA. KAZINFORM &ndash; Qazaqtyń mádenı murasy - &laquo;Orteke&raquo; óneri Qytaıda tanymal boldy. &laquo;<a href="http://www.xinhuanet.com/politics/20240517/98d4bd303fc44b25816406cffac5f34f/c.html" target="_blank" rel="noopener">Sınhýa</a>&raquo; agenttiginiń habarlaýynsha, Qytaı qazaqtary týraly &laquo;Meniń Altaıym&raquo; telehıkaıasyndaǵy &laquo;Orteke&raquo; bıi túsirilgen kadr qytaılyq kórermenderdiń qyzyǵýshylyǵyn týdyrǵan.</p>

Qytaılyq Tik-Tok jáne Weibo áleýmettik jelilerinde «Orteke» óneri týraly taqyryp qyzý talqylanyp, Qytaıdaǵy qandastarymyz «Orteke» týraly kóptegen vıdeolar júktegen.

Aıta keterligi, Altaı aımaǵy Qaba aýdanynyń qart ustazy Serik Qydyrmolla telehıkaıada «Orteke» kúıin oryndaǵan.

Serik Qydyrmollanyń aıtýynsha, bul qoıylym bir kezderi túrli mereke-toılarda qazaq halqyna keń taraǵan. Biraq sońǵy jyldary bul óner birte-birte joıylyp barady.

Alaıda, «Meniń Altaıym» telehıkaıasy jas urpaqqa qazaqtyń kóne murasyn násıhattaýǵa múmkindik bergen.

Eske salaıyq, «Orteke» bıi 2022 jyly ıÝNESKO-nyń Materıaldyq emes murasynyń tizimine engen bolatyn. 

Qazaqtyń bul kóne óneri Qytaıdaǵy qazaqtar mekendegen Altaı aımaǵynyń materıaldyq emes muralar tizimine engen.