Qazaqtelekomnyń salǵyrttyǵynan bala ajal qushty: Qylmystyq is qozǵaldy

<p>ALMATY. KAZINFORM &mdash; Almaty oblysynda Qazaqtelekomnyń salǵyrttyǵynan symdardyń biri úzilip, kishkentaı bala mert boldy. Polıtsııa qylmystyq is qozǵady.</p>

Almaty oblystyq polıtsııa departamentiniń bólim basshysy Ernar Saıdıldınniń aıtýynsha, kishkentaı balanyń ólimine qatysty qylmystyq isti tergeýdi bastaldy.

«Kegen aýdanynyń polıtsııa qyzmetkerleri abaısyzda adam ólimine ákep soqtyrǵan jumysty oryndaý nemese qaýipsizdik talaptaryna saı kelmeıtin qyzmet kórsetý faktisi boıynsha qylmystyq isti tergeýdi bastady. Qazirgi ýaqytta oqıǵanyń búkil mán-jaıyn zertteýde tolyqtyǵyn, jan-jaqtylyǵyn jáne obektıvtiligin qamtamasyz etý úshin saraptama taǵaıyndaý arqyly búkil qajetti tergeý áreketteri júrgizilip jatyr»,- dep atap ótti polıtsııa ókili.

Eske salaıyq, qaıǵyly oqıǵa Kegen aýdanynyń Shyrǵanaq aýylynda bolǵan.

«Qazaqtelekomǵa» tıesili symdardyń úzilýi saldarynan kishkentaı bala kóz jumǵan edi.