«Qazaqtelekomda» qarajat jymqyrý isi: Qýanyshbek Esekeevten kýáger retinde jaýap alyndy

NUR-SULTAN. QazAqparat – «Qazaqtelekom» AQ basshysy Qýanyshbek Esekeevten kompanııadaǵy qarajat jymqyrý isi boıynsha kýáger retinde jaýap alyndy. Bul týraly Sybaılas jemqorlyqqa qarsy is-qımyl agenttiginiń tóraǵasy Oljas Bektenov aıtty, dep habarlaıdy QazAqparat tilshisi.

«Ol (Qýanyshbek Eskeev) kompanııanyń basshysy. Alaıda is boıynsha tergelip jatqan joq. Qazirgi kezde odan kýáger retinde jaýap alyndy», - dedi Oljas Bektenov Májilistiń jalpy otyrysynan keıin tilshiler saýalyna jaýap bere otyryp.

Budan buryn habarlanǵandaı, Sybaılas jemqorlyqqa qarsy qyzmet laýazymdyq ókilettikterin asyra paıdalaný jáne «Qazaqtelekom» AQ-nyń qarajatyn asa iri kólemde urlaý faktileri boıynsha qylmystyq isti tergeýde.

Atalǵan qylmystardy jasady degen kúdikpen Qaırat Satybaldyuly ustalyp, ýaqytsha ustaý ızolıatoryna qamaldy.