«Qazaqtelekom» men «AzerTelecom» Transkaspıı jobasy boıynsha strategııalyq qujatqa qol qoıdy
Taraptar bul qujat eki eldiń tsıfrlyq ınfraqurylymyn damytý salasyndaǵy yntymaqtastyqty odan ári damytýǵa, jelilerdiń qoljetimdiligi men ótkizý qabiletin arttyrýda jańa naryqtyq múmkindikterdi ósirýge serpin beretinine senimdi.
Qujat «Qazaqstan-Ázerbaıjan» baǵyty boıynsha Transkaspıı talshyqty-optıkalyq baılanys jelisi (TOBJ) jobasynyń sheńberinde eki operatordyń strategııalyq áriptestigin kózdeıdi. Bul baǵyt - Eýropa men Azııa arasynda Tsıfrlyq jańa telekommýnıkatsııalyq dáliz qurýdy kózdeıtin «Tsıfrlyq Jibek joly» (Digital Silk Way) aýqymdy jobasynyń bir bóligi.
Qos telekom-operatordyń ókilderi elektr baılanysynyń halyqaralyq qyzmetterin kórsetý boıynsha ekijaqty bıznesti, sondaı-aq eki eldiń digital-transformatsııasy men tsıfrlyq ınfraqurylymyn odan ári damytý boıynsha yntymaqtastyqty yntalandyrýǵa qyzyǵýshylyq bildirdi.
«Búginde biz úshin ortaq mindetter men máselelerdi sheshýdiń eń ońtaıly formýlasy – tikeleı qarym-qatynas ornatý. « AzerTelecom» kompanııasymen aldaǵy ýaqytta ozyq tájirıbelermen bólisip, aqparat almasyp jáne birlesken jobalarǵa járdemdesýdi búgingi qujat negizinde bekitip otyrmyz. Munyń barlyǵy óz kezeginde eki el jelileriniń qoljetimdiligi men ótkizý qabiletin arttyrýda jańa naryqtyq múmkindikterdi damytýǵa yqpal etedi» ,- dedi «Qazaqtelekom» AQ Basqarma Tóraǵasy Qýanyshbek Esekeev.
«Tsıfrlyq ınfraqurylym jobasy aıasyndaǵy Transkaspıı talshyqty-optıkalyq baılanys jelisi jobasy baǵytyndaǵy bizdiń kompanııalarymyzdyń arasyndaǵy kelisim tranzıttik qabiletimizdi keńeıtip, jańa naryqtarǵa shyǵýǵa múmkindik beredi. Sondaı-aq osy yntymaqtastyqtyń kómegimen biz eki el tutynýshylaryna telekommýnıkatsııalyq qyzmetter sapasyn arttyrýǵa múmkindik alamyz», - dep atap ótti «AzerTelecom» kompanııasynyń operatsııalyq máseleler jónindegi bas dırektory Sergeı Nazarenko.