"Qazaqtelekom" qazaqstandyq qamtýdy 42,3 paıyzdan 50 paıyzǵa deıin jetkizdi.
Bul jaıly búgin Almatyda ótken "Memlekettik tapsyrys-2010" aktsııasy aıasynda ótken alqaly basqosýda belgili boldy, dep habarlaıdy QazAqparat.
"Satyp alǵan ónimderimizdiń 50 paıyzy - qazaqstandyq. Kelesi ósim birshama kúrdeli bolady. Óıtkeni buǵan deıin biz ǵylymı sıymdylyǵy az óndiristi yntalandyrdyq. Endi joǵary tehnologııalyq qural-jabdyqtar shyǵaratyn óndiris oryndaryn damytyp, yntalandyrmaqpyz. Bıyl "Qazaqtelekom" kompanııalar toby 59 mıllıard 935 mıllıon teńgeniń taýar men qyzmet túrlerin satyp aldy. Onyń 32 mıllıard 425 mıllıony teńgesi qazaqstandyq óndirisshilerdiń enshisinde. Memorandýmda kórsetilgen somadan 7 mıllıard 170 mıllıon teńgege artyq kelisim jasadyq. Onyń ishinde Almaty qalasy boıynsha 18 mıllıard teńgeniń memorandýmyna qol qoıdyq. Al odan 2 mıllıard 213 mıllıon teńgege artyq kelisimder jasaldy. Ondaǵy qazaqstandyq óndirýshiler úlesi 16 mıllıard 928 mıllıon teńge», deıdi "Qazaqtelekom" UK" AQ-nyń Basqarma tóraǵasy.
A. Jumaǵalıevtiń aıtýynsha, olar osy ýaqytqa deıin otandyq óndirisshilerge 13 mıllıard 489 mıllıon teńgeniń tólemin jasady. Qalǵan qarajat ta endi jyl sońyna deıin tólenedi dep josparlanýda. 2010 jyly 62 mıllıard 700 mıllıon teńgeniń satyp alýy jasalady dep boljanýda. Onyń 54,5 paıyzy qazaqstandyq taýar óndirýshilerdiń enshisine tıedi. Satyp alynatyn taýar men qyzmettiń 14 mıllıard teńgesi Almatynyń úlesinde bolmaq.