«Qazaqtelekom» dıvıdend tóleýge 10,6 mlrd teńgeden astam qarjy baǵyttaýy yqtımal

ASTANA. 9 jeltoqsan. QazAqparat - «Qazaqtelekom» AQ 2013 jyldyń I jartyjyldyǵyndaǵy taza paıdasynyń 100%-yn dıvıdend tóleýge baǵyttaýy múmkin, ol soma 10,6 mlrd teńgeden asyp túsedi. «Qazaqtelekom» aktsıonerleriniń kezekten tys jalpy jınalysy sheshiminiń jobasynda osylaı kórsetilgen. Bul týraly kompanııanyń resmı saıtynda 9 jeltoqsanda jarııalandy, dep habarlaıdy halyk-ipo.kz.

Aktsıonerlerdiń kezekten tys jalpy jınalysy 19 jeltoqsanǵa josparlanǵan.
Jınalysta jalpy somasy 18 mlrd teńge bolatyn ótken jyldardyń úlestirilmegen paıdasyn dıvıdendtterdi tóleýge baǵyttaý úsynylady dep kútilýde. Eger sheshim jobasy qabyldansa, onda «Qazaqtelekom» aktsıonerleri 2013 jyldyń I jartyjyldyǵy úshin dıvıdend túrinde 1 qarapaıym aktsııaǵa 2 603 teńge jáne burnaǵy jyldardyń úlestirilmegen tabystary túrinde arnaıy dıvıdend alady.
Aǵymdaǵy jyldyń I jartyjyldyǵy úshin dıvıdend alýǵa quqy bar aktsıonerler reestrin Aktsıonerlerdiń kezekten tys jalpy jınalysy ótetin datadan keıin (eger Aktsıonerlerdiń kezekten tys jalpy jınalysy 19 jeltoqsanda ótetin bolsa, onda 29 jeltoqsanda) ekinshi jeksenbiniń jarym túninde tirkeý usynylady. Tólemderdi Aktsıonerlerdiń kezekten tys jalpy jınalysynan keıin ekinshi dúısenbiden (30 jeltoqsan) bastaý josparlanyp otyr.
Saýda-sattyq bastalǵaly dúısenbi, 9 jeltoqsanda, Astana ýaqyty boıynsha saǵat 13:00-de «Qazaqtelekomnyń» qarapaıym aktsııalary 2%-ǵa qymbattap, 16 000 teńgege deıin jetti. Bul baǵaly qaǵazdar boıynsha saýda-sattyq kólemi birneshe saǵatta 138 mln teńgeden asyp tústi. Bul jalpy sońǵy 7 kúngi kórsetkishten eki esege kóp.