Qazaqtaný: Maqtaaralda qazaq halqynyń izgi qasıetteri dáripteldi
QR Prezıdenti janyndaǵy «Qoǵamdyq kelisim» respýblıkalyq memlekettik mekemesiniń dırektory, tarıh ǵylymdarynyń doktory, professor S.F.Majıtov bastaǵan bir top ǵalymdar aýdan turǵyndarymen kezdesti.
Atalǵan shara eldegi qoǵamdyq kelisimdi, qazaq ultynyń izgi qasıetterin, qazaq halqynyń memleketimizdegi aǵa ult ekendigin, memlekettik saıasattaǵy dostastyqtyń, yntymaqtastyqtyń rólin nasıhattaý baǵytynda uıymdastyryldy. Aýdan ákiminiń orynbasary Sáken Sultanhanov qatysqan aýqymdy sharaǵa aýdandyq etnomádenı birlestikter, qoǵamdyq kelisim, ardagerler keńesi, analar keńesteriniń jáne ájeler alqasynyń tóraǵalary men ókilderi, kentter men aýyldyq okrýg ákimderi men mamandary, mektep dırektorlarynyń tárbıe jónindegi orynbasarlary, stýdent jastar, buqaralyq aqparat quraldarynyń ókilderi qatysty.
Іs-sharanyń negizgi maqsaty – «Rýhanı jańǵyrý» baǵdarlamasyn júzege asyrý aıasynda barsha qazaqstandyqtardyń ortaq mádenı kodynyń, birtutas qundylyqtarynyń jáne jalpyulttyq tarıhı sanasynyń negizinde halyqtyń birligin nyǵaıtý boldy. Sondaı-aq, Qazaqstan etnostarynyń arasynda qazaq halqynyń tarıhyn, dástúrlerin, gýmanıtarlyq jáne adamgershilik prıntsıpterin dáripteýge baǵyttaldy. Jıynda birinshi bolyp sóz alǵan Prezıdent janyndaǵy «Qoǵamdyq kelisim» respýblıkalyq memlekettik mekemesiniń dırektory, tarıh ǵylymdarynyń doktory, professor S.F.Majıtov osyndaı «Qazaqtaný» jobasy arqyly negizinen halyqtar arasyndaǵy birlikti nyǵaıtýdy kózdeıtinin atap ótti.
«Rýhanı jańǵyrý» baǵdarlamasy aıasynda qazaq mádenıetin, tarıhyn, fılosofııasyn, sondaı-aq qazaq halqynyń qundylyqtaryn nasıhattaýdy qolǵa alǵanbyz. Halqymyzdyń birligin odan ári nyǵaıtý jáne eldegi turaqtylyqty saqtaýǵa qol jetkizý - basty maqsatymyz. Sondaı-aq qazaq halqynyń ulttyq qundylyqtaryna aınalǵan qonaqjaılyq, senim men dostyq sııaqty qasıetterdi dáripteý arqyly jastardyń boıyna eljandylyq sezimin sińirý« - dedi S.Majıtov.
Jalpy jıyn barysynda M.Áýezov atyndaǵy Ońtústik Qazaqstan memlekettik ýnıversıtetiniń jáne Abylaıhan atyndaǵy shet tilderi ýnıversıtetiniń ǵalymdary sózge shyǵyp, qazaq halqynyń boıyndaǵy ejelgi zamannan kele jatqan jaqsy qasıetteri týraly jáne onyń bolashaǵymyzǵa tıgizer paıdasy jóninde tarıhı derekterge súıene otyryp baıandama jasady.