Qazaqstandaǵy AQSh elshisi Aralǵa bardy

<p>QYZYLORDA. KAZINFORM &ndash; QR Ekologııa jáne tabıǵı resýrstar mınıstrliginiń ókili AQSh Tótenshe jáne Ókiletti Elshisi Denıel Rozenblıým jáne USAID Halyqaralyq damý agenttigi óńirlik mıssııa dırektorynyń orynbasary Monık Mosolfpen Aral teńiziniń qurǵaǵan tabanyna is-saparmen baryp qaıtty. Bul týraly vedomstvonyń baspasóz qyzmeti málimdedi.&nbsp;</p>

«Álemdik qaýymdastyq Aral teńiziniń tartylýyn adamzat tarıhyndaǵy ekologııalyq daǵdarystyń biri retinde baǵalady. Qurǵaǵan teńizdiń zardaby tek óńirge nemese bir elge ǵana emes, barsha álemge tııýde. Osy issaparda Araldyń qazirgi jaǵdaıymen jáne atqarylǵan jumystarmen arnaıy tanysty», - delingen habarlamada.

Aıta keteıik, 2021-2023 jyldary USAID Halyqaralyq damý agenttiginiń «Oasis» jobasy sheńberinde Aral teńiziniń qurǵaǵan ultanyndaǵy ekojúıeni qalpyna keltirý maqsatynda 150 gektar jerge sekseýil tuqymy sebilip, kóshetter otyrǵyzyldy, 500 metr tereńdikte sý uńǵymasy qazylyp, paıdalanýǵa berildi.

Eske salsaq, Memleket basshysy 2021-2025 jyldar aralyǵynda Aral teńiziniń qurǵaǵan ultanyndaǵy 1,1 mln. gektarǵa sekseýil ekpelerin egýdi tapsyrǵan bolatyn. Bıyl 276,2 myń gektar aýmaqta osy baǵyttaǵy jumystar josparlanǵan. Qazir 65 myń gektar ultanǵa 19,4 mln. sekseýil kósheti otyrǵyzyldy, aldaǵy jyly 280 myń gektar alqapqa egiledi.