Qazaqtan men Ózbekstan arasyndaǵy alys-beris kólemi 4,4 mlrd dollardan asty
12:27, 07 Tamyz 2024
<p>ASTANA. KAZINFORM – Qazaqstan – irgedegi Ózbekstannyń úshinshi iri saýda seriktesi. Osy eldegi Tótenshe jáne ókiletti elshi Beıbit Atamqulov Qazaqstan-Ózbek iskerlik keńesiniń jıynynda eki aradaǵy alys-beristiń búgingi betalysyna toqtaldy.</p>
«Qazaqstan Ózbekstannyń negizgi saýda seriktesteriniń arasynda turaqty túrde úshinshi oryn alyp otyr. 2023 jyldyń qorytyndysy boıynsha ózara saýda 4,4 mlrd dollar boldy», - dedi elshi.
Elshilik málimetine súıensek, Dıplomat Ózbekstanǵa baratyn qazaqstandyq týrısterdiń sany jyldan-jylǵa artyp kele jatqanyn atap ótti.
«Qazaqstan men Ózbekstan arasyndaǵy bıznes-kooperatsııa joǵary deńgeıge shyǵyp otyr. Bul elde qazaqstandyq kapıtalǵa qurylǵan 1043 kásiporyn tabysty jumys istep tur. Ózbekstanda birlesken kásiporyn qurý kórsetkishi boıynsha da úshinshi orynda turmyz. Munyń bári aradaǵy jaqyndyq pen tyǵyz qarym-qatynastyń dáleli», - dedi Beıbit Atamqulov.