Qazaqstanymyzdyń berekesi - táýelsiz elimizdiń tuńǵysh Prezıdentinde - BQO ákimi

ORAL. QazAqparat - Batys Qazaqstan oblysynyń ákimi Nurlan Noǵaev óńir jurtshylyǵyn Prezıdent kúnimen quttyqtady.

«Qurmetti batysqazaqstandyqtar!»

Sizderdi Tuńǵysh Prezıdent kúnimen shyn júrekten quttyqtaımyn. Nursultan Ábishuly Nazarbaev - tarıhtyń syn saǵaty soqqanda týǵan halqy­nyń kóregen kóshbasshysy, jarqyn isterdiń jasampaz tulǵasy.

Búginde san salaly damýymyzdyń órleýine basshylyq etip, Qazaqstannyń bedelin búkil álemge tanytyp, bolashaǵymyzdy jarqyn etip, ultymyzdyń shyn mánindegi kemeńger qaıratkerine aı­nal­dy.

Elbasymyz ultynyń úmitin aqtap, eldi el qyldy, derbes, egemendi Qazaqstan memleketiniń negizin qalady, irgeli memleket qurdy.

Josparly ekonomıkadan naryqtyq ekonomıkaǵa kóshý, Astanany Alataýdan Arqaǵa aýystyrý, elimizdiń ulttyq qoryn jasaqtaý jáne «Qazaqstan - 2030» strategııasyn qurý - Keńes Odaǵy ydyrap, sol sátte jan baǵýdyń ózi muń bop turǵan kezde, Qazaqstan Prezıdenti osyndaı batyl bastamalardy qolǵa aldy. Búginde elimiz óz memlekettiligin birjolata bekitip, damýdyń qazaqstandyq úlgisin qalyptastyrdy. Osy kezeńde ǵasyrǵa bergisiz joldan ótti, aýqymy jaǵynan orasan tabys­tarǵa qol jetkizdi.

Qazirgi tańda elimiz damyǵan elder qataryna umtylyp, álemde birinshi bolyp ıadrolyq qarýdan óz erkimen bas tartyp, beıbitshilik jolyna batyl qadam basty.

Alda Astana qalasynda álem kóz tikken «EKSPO-2017» halyqaralyq kórmesin ótkizý mindeti tur.

Aǵymdaǵy jyldyń qarasha aıynda Elbasy N.Á.Nazarbaev Qazaqstan halqyna arnaǵan «Nurly jol - bolashaqqa bastar jol» atty Joldaýyn joldady. Jahandaǵy bolyp jatqan qarjy-ekonomıkalyq daǵdarystyń elimizge salqyny tımeı qoımaıtyny anyq. Osy daǵdarysqa qarsy turý, ony eńserý maqsatynda jurtshylyqqa jol tartqan Joldaýda aldaǵy ýaqytta atqarylar naqty tapsyrmalar aıtyldy.

Halqymyzda: «Bir úıde neshe jan bolsa da, berekesi bireýinde bolady» degen sóz bar. Olaı bolsa, Qazaqstanymyzdyń berekesi - táýelsiz elimizdiń alǵashqy Prezıdentinde.

Barshańyzdy aıtýly merekemen taǵy bir márte quttyqtaımyn! Otbasylaryńyzǵa amandyq, denderińizge saýlyq tileı otyryp, Qazaqstannyń ósip-órkendeýi jolynda jemisti eńbek ete berýlerińizge shyn júrekten tilektespin», delingen aımaq basshysynyń quttyqtaýynda.