Qazaqstannyń Joǵarǵy sotynda sýdıa laýazymynyń 25 paıyz orny bos tur
«Biz Zańdy (Qazaqstannyń sýdıa kadrlar máseleleri jónindegi zańnamasy) qabyldadyq jáne onyń nátıjesinde sýdıalar júıesiniń kadrlary jańaryp jatyr. Qazir bizde 134 bos oryn bar. Tek Joǵarǵy sot quramynyń tórtten biri jetispeıdi. Sebepteri túsinikti. Ol – zeınetkerlikke jáne otstavkaǵa shyǵý, sýdıalar óz erikterimen ketýi. Kópshiligi sýdıa kandıdatýrasyna qoıylǵan qatań talaptarǵa shydaı almaıdy. Júkteme óte úlken, jeke ómirge ýaqyt joq. Qazirgi ýaqytta zańgerler úshin sýdıa mamandylyǵynyń tartymdylyǵyn kóterý mindeti tur», - dedi ol «Sot júıesindegi kadrlyq saıasattyń bolashaǵy» atty halyqaralyq dóńgelek ústel barysynda.
Onyń atap ótýinshe, 30 jasqa tolǵan adamnyń ǵana sýdıa bola alatyndyǵy jaǵdaıdy odan ary kúrdelendirip otyr.
«Máselen, jas adam ýnıversıtet bitirgennen keıin 30 jasyna deıin qandaı da bir kompanııada nemese ózine jumys isteıdi. Ol bul ýaqytta qalyptasyp úlgergen adam jáne ony sýdıalyq jumysqa tartý qıyn. Al eń basty mindet – eń úzdigin tartý. Zańnyń kúshine engenine bir jyl tolmaǵan aralyqta biz bul maqsatqa qol jetkize ala qoıǵan joqpyz. Biz ony sheshý jolyndamyz», - dedi Tólesh Qaýdyrov.
Keńes múshesiniń atap ótýinshe, sýdıalar úshin bilim de negiz quraýshy sapa bola almaıdy.
«Óıtkeni, sýdıa – bul zańdyq mansaptyń eń joǵary núktesi. ıAǵnı, sýdıa zańdy biliktiliktiń shyńy sanalady. Ol eń qıyn, eń mańyzdy jáne qurmetti jumys sanalady. Biz bul jumysta eń úzdikterdi, jaýapkershiligi joǵarylardy, eń adaldardy kórgimiz keledi. Bul júıege memleketine, halqyna qyzmet etip, sot ádildigin ornatqysy kelgender keledi. Bul rette bilim birinshi orynda emes. Degenmen, ol da óte mańyzdy. Birinshi orynda adamı sapa turýy tıis. Sebebi sýdıa adamdarmen jumys isteıdi», - dedi ol.