Qazaqstannyń jas tennısshileri Tegerandaǵy týrnırde jeńiske jetti

ASTANA. QazAqparat – Iran astanasy Tegeranda 18 jasqa deıingiler arasynda ITF Juniors J100 TEHRAN OPTIGEN PRO JNIOR CHAMPIONSHIP týrnıri máresine jetti, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, jekeleı synda Aqtaý tennıs mektebiniń túlegi Danıal Rahmatýllaev jeńimpaz atandy.

Danıal jartylaı fınalda úsh saǵattan astam ýaqytqa sozylǵan matchta otandasy Ámir Omarhanovty qapy qaldyrdy, esep – 5:7, 6:3, 7:5.

Al fınalda reseılik, jarystyń birinshi raketkasy Dmıtrıı Býrttsevten basym tústi – 6:3, 6:3.

Á.Omarhanov juptyq synda bolgarııalyq Ivan Naıdenovpen birge aqtyq synda ózbekstandyq Imran Haıtbaev – Belarýs ókili Danııl Rıajenkovty utyp, chempıondyq ataqqa ıe boldy, esep – 7:6 (7:2), 6:3.

Eske salaıyq, budan buryn qazaqstandyq tennısshilerdiń Ýımbldon týrnırindegi qarsylastary anyqtalǵanyn jazǵan bolatynbyz.