Qazaqstannyń jas stsenarısteri, klıpmeıkerler men rejısserleri álemdik mamandardyń qyzyǵýshylyǵyn týǵyzyp otyr
Jaman nárse bolǵan kezde, barlyǵy ákimdikter, mınıstrlikter men áleýmettik qyzmetter tarapynan kinálini izdeıdi. Al eger azamattarymyz qandaı da bir jetistikke qol jetkizse, onda adamdar buǵan tek óz eńbegimen ǵana jetti dep qaraıdy. Biraq olaı bolmaıdy: memleket qoǵammen birge elde bolyp jatqan barlyq jaqsy jáne jaman ister úshin jaýapty. Keıde aǵa býynnan jastarymyzdyń memleketke tutynýshylyq kózqarasta ekenin, bul masyldyq kóńil-kúıdiń ústemdigi jáne onyń otansúıgishtikke jatpaıtynyn estip jatamyz. Biraq bul tolyq jaǵdaıdy kórsete almaıtyn mıkrotrendter«, -dedi D. Abaev.
Osy oraıda mınıstr jaǵdaıdy tolyq sıpattaý úshin jas qazaqstandyqtardyń saýattylyq deńgeıi boıynsha álemdegi alǵashqy oryndardyń birinde ekenin, bizdiń oqýshylar matematıkadan, fızıkadan, baǵdarlama jasaýdan álemdik olımpıadalarda eń myqtylardyń qatarynda ekenin aıtý kerektigine nazar aýdartty.
»Oǵan qosa, bizdiń jas ártisterimiz, sýretshilerimiz, bıshilerimiz, stsenarısterimiz, klıpmeıkerler men rejısserlerimiz qazir kóptegen álemdik mamandardyń qyzyǵýshylyǵyn týǵyzýda. Qazaqstandyq oqýshylardyń robototehnıka boıynsha jobalary jaı ǵana tehnologııalyq emes, olar, eń aldymen izgilikke baǵyttalǵan. 14 jáne 15 jas aralyǵyndaǵy jastarymyz ózender men kólderdi tazalaýdy, atmosferaǵa zııandy zattardyń shyǵarylýyn qysqartýdy, topyraqtyń qunarlylyǵyn arttyrýdy armandaıdy. Biraq, olar týraly jańalyqtardy oqyǵysy keletinder az«, - dedi ol.
Mysaly, onyń dereginshe, astanalyq mektepterdiń birindegi tórtinshi synyp oqýshylarynyń tóbelesi týraly aqparatty tanymal jańalyqtar resýrstarynyń birinde 50 myńǵa jýyq qazaqstandyq oqypty. Al «Ǵylym kómegimen álemdi jaqsartýǵa umtylatyn 5 oqýshy» maqalasyn sol portalda 10 ese az oqyǵan. Biraq, shynaıy baǵaly maqala osy emes pe?«, - dedi Dáýren Abaev.