Qazaqstannyń jańa saıası-ákimshilik kartasyn ázirleýge qansha qarjy jumsaldy

ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstrligi geodezııa jáne kartografııa komıtetiniń tóraǵasy Qajymuqan Bekmuqashev elimizdiń jańa saıası-ákimshilik kartasyn ázirleýge qansha qarjy jumsalǵanyn aıtty, dep habarlaıdy QazAqparat tilshisi.

«Jalpy, Qazaqstannyń 6 oblysynyń ákimshilik kartasyn jáne oblys ortalyqtarynyń jospar-syzbasyn ázirleýge 56 mln teńge jumsaldy. Eger Qazaqstan kartasyn (jańa saıası-ákimshilik kartasy) jeke alar bolsaq, onda oǵan 10 mln teńge qajet boldy. Tolyqtaı alǵanda, respýblıkalyq bıýdjetten 56 mln teńge shyǵyndaldy», - dedi komıtet tóraǵasy ortalyq kommýnıkatsııalar qyzmeti alańynda ótken baspasóz máslıhatynda BAQ ókilderiniń saýalyna oraı.

Osy oraıda Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov kartany qurastyrý kezinde naqtylyq óte mańyzdy bolǵanyn basa aıtty.

Óıtkeni, kartaǵa taýlardy, kólderdi, ormandy túsirý qajet.

«Erteń shekaralas aýdandar ákimshilik bólinisti túsinýi, olardyń qaıta jatqanyn bilýi úshin geografııalyq turǵyda dáldikpen belgileý qajet boldy», - dedi vıtse-mınıstr.