Qazaqstannyń jalpy halyqaralyq rezervi 900 mln dollarǵa azaıdy

NUR-SULTAN. QazAqparat – Qazaqstannyń jalpy halyqaralyq rezervi 900 mln dollarǵa tómendedi. Bul týraly bgin Úkimet otyrysynda QR Ulttyq bank tóraǵasy Erbolat Dosaev aıtty , dep habarlaıdy QazAqparat tilshisi.

«Altyn-valıýta rezervteri altyn baǵasynyń qorǵanysh aktıv retinde altynǵa suranystyń tómendeýi aıasynda bir ýntsııa úshin 1853 dollardan 1765 dollarǵa deıin, 5 paıyzǵa tómendeýi aıasynda altyn portfeliniń 1 mlrd AQSh dollaryna tómendeýine baılanysty bıylǵy aqpanda 34,7 mlrd AQSh dollaryna deıin 830 mln AQSh dollaryna tómendedi», - dedi 2021 jyldyń qańtar-aqpanyndaǵy elimizdiń áleýmettik-ekonomıkalyq damý qorytyndysy jaıynda baıandaǵan Erbolat Dosaev.

Onyń atap ótýinshe, erkin aıyrbastalatyn valıýtadaǵy aktıvterdiń ósýi negizinen ekinshi deńgeıdegi bankter qarajatynyń Ulttyq banktegi valıýtalyq shottarǵa 273 mln AQSh dollarynyń túsýi esebinen 178 mln AQSh dollaryn qurady.

43 mln AQSh dollary kólemindegi memlekettik boryshty tóleý jáne klıentterdiń ulttyq bank shottaryndaǵy qarajatynyń azaıýy ekinshi deńgeıdegi bankter qarajatynyń túsý áserin ishinara teńestirdi.

«Jalpy halyqaralyq rezervter aqpanda 92,36 mlrd AQSh dollaryna deıin 900 mln AQSh dollaryna tómendedi», - dedi Erbolat Dosaev.