Qazaqstannyń vaktsınasyna shetelden suranys bar ma

NUR-SULTAN. QazAqparat – QazCovid-in vaktsınasyna shetelden suranys bar ma? Bul suraqqa medıtsına ǵylymdarynyń doktory, professor, QR Densaýlyq saqtaý mınıstrliginiń halyqty ımmýndaý jónindegi ulttyq konsýltatıvtik komıssııanyń múshesi Janat Satybaldıeva jaýap berdi, dep habarlaıdy QazAqparat tilshisi.

«Qazirgi ýaqytta QazCovid-in vaktsınasy synaqtyń úshinshi kezeńinen ótip jatyr. Meniń bilýimshe, ázirge otandyq vaktsınany shetelge shyǵarý máselesi qaralyp jatqan joq. Sebebi eń birinshi kezekte bul vaktsına Qazaqstan halqynyń paıdasyna jaraýy kerek. Óndirýshiniń óndiris qýatyn álbette, ulǵaıtý kerek. Eń aldymen otandyq vaktsına halyqqa salynady. Bilýimshe, shetelden otandyq vaktsınany satyp alý týraly ótinim kelmegen», - dedi Janat Satybaldıeva ortalyq kommýnıkatsııalar qyzmetiniń alańynda ótip jatqan baspasóz máslıhatynda.

Aıta ketsek QazCovid-in vaktsınasy boljam boıynsha osy jyldyń naýryz aıynan bastap salynady.

Eske sala ketsek, buǵan deıin medıtsına ǵylymdarynyń doktory, professor Lázzat Eralıeva vaktsına jaıly shyndyqty bilgisi kelgender sarapshylarǵa qulaq asýy kerektigin málim etken edi.