«Qazaqstannyń úzdik taýary» kórme-baıqaýy elordalyq úzdik óndirýshilerdi anyqtady (FOTO)

ASTANA. QazAqparat - Búgin elordada 60-qa jýyq kásiporynnyń basyn qosqan «Qazaqstannyń úzdik taýary» kórme-baıqaýy óz máresine jetti. Kórmege elordalyq bıznes-qaýymdastyǵynyń beldi maıtalmandarymen qosa, áıel kásipkerliginiń ókilderi, sondaı-aq startap jobalarynyń ıegerleri de belsene qatysty.

«Qazaqstannyń úzdik taýary» kórme-baıqaýy - elordalyq taýaróndirýshilerdiń básekelestigin arttyryp, óndiris yqpalyn kúsheıtýge jańa serpin berdi. Júrgizilgen saraptamaǵa sáıkes bıylǵy jyly baıqaýǵa qatysýshylardyń sany artqanyn baıqadyq, osyǵan oraı: qatysýshylardyń 25% - ótken jylǵy kásiporyndar bolsa, 75% - jańa kompanııalar quraıdy. Basty erekshelik aty atalmaǵan jańa kompanııalardyń qyzyǵýshylyq tanytyp, baıqaýdyń joǵary bedelin túsingendiginde. Baıqaý júldegerleriniń kelesi múddesi respýblıkalyq baıqaýdan súrinbeı ótip, TMD elderinen bastap, alys-jaqyn sheteldegi dodadalarda bıik belesterdi baǵyndyrý», dep túıindedi Astana qalasynyń kásipkerler palatasynyń dırektory Ǵanı Tasmaǵanbetov.

Sonymen «Óńdiristik maqsattaǵy úzdik taýarlar» nomınatsııasy boıynsha bas júldege ıe bolǵan kásiporyndar mynalar: «ASTANA ıÝtarııa ltd» JShS óndiristik ınnovatsııalyq kompanııasy, «Teńiz+ kompanııasy» JShS, «Stone House» JShS.

«Turǵyndarǵa arnalǵan úzdik taýarlar» nomınatsııasy boıynsha júldeli orynǵa ıe bolǵan kásiporyndar: «Altyn Orda» avtorlyq dızaın úıi, Astana qalasynyń «Qazaq sańyraýlar qoǵamynyń oqý-óndiristik kásiporny» mekemesi, «DD21» JShS- korpýstyq jıhaz óndirisi.

«Úzdik azyq-túlik taýarlary» nomınatsııasynda bas júldeni qanjyǵasyna baılaǵan kompanııalar:

«Tsesna Mak»JShS, «Aprel 2030» JShS.

Saltanatty marapattaý rásiminde «Qazaqstannyń úzdik taýary» kórme-baıqaýynyń júldegerlerine arnaıy músinsheler jáne estelik syılyqtar tabystaldy, al barlyq qatysýshylar dıplomdar men alǵys hattarǵa ıe boldy.Úzdik dep tanylǵan kompanııalar jyl sońynda ótkiziletin respýblıkalyq kórme-baıqaýǵa joldama aldy.