Qazaqstannyń úzdik sottary jarııalandy (FOTO)
«Biz jyl sońynda óz jumystaryn úzdik uıymdastyrǵandary úshin jaqsy kórsetkishtermen kózge kóringen sottardyń tóraǵalaryn jınap otyrmyz. Bıylǵy qańtarda Qazaqstan Sýdıalar odaǵy sot jumysyn úzdik uıymdastyrýǵa arnalǵan baıqaý-konkýrsty jarııalaǵan bolatyn. Osyǵan deıin úzdi sot ujymy emes, úzdik sýdıalar baıqaýy ótetin. Endi bıyldan osy baıqaýdyń talaptary men tártibi ózgerdi, osy oraıda jańasha ótkizilgen konkýrs aıasynda marapattaıtyn bolamyz»,-dedi Joǵarǵy Sottyń Tóraǵasy Qaırat Mámı.
Bul turǵyda ol sottar jyl boıy óz jumystaryn uıymdastyrýdy jaqsartý boıynsha belsendi sharalar qabyldanǵanyn, sondaı-aq sottardyń jańa elektrondyq qyzmetteri halyqtyń qoldaýyna ıe bolǵandyǵyn atap ótti.
Sonymen, baıqaý qorytyndysy boıynsha aýdandyq sottar arasynda birinshi oryndy Shyǵys Qazaqstan oblysynyń Semeı qalalyq soty, ekinshi oryndy Qaraǵandy oblysynyń Balqash qalalyq soty ıelendi. Al Mańǵystaý oblysynyń Aqtaý qalalyq soty men Aqmola oblysynyń Bulandy aýdandyq soty úshinshi oryndy ózara bólisti.
Oblystyq jáne oǵan teńestirilgen sottardyń arasynda birinshi oryndy Soltústik Qazaqstan oblystyq soty, ekinshi oryndy Jambyl oblystyq soty, úshinshi oryndy Pavlodar oblystyq soty ıelendi.
Aıta keteıik, baıqaýdy ótkizý barysynda quramyna Joǵarǵy Sottyń sýdıalary, Sottardyń qyzmetin qamtamasyz etý departamentiniń basshylyǵy men Sýdıalar odaǵy ortalyq keńsesiniń ókilderi engen respýblıkalyq komıssııa quryldy.