Qazaqstannyń úshinshi eldermen taýar aınalymy 14 paıyzǵa tómendedi
«Memlekettik bıýdjetke 9 trln 751 mlrd teńge somasynda kirister tústi nemese jospar 102,7 paıyz atqaryldy. Respýblıkalyq bıýdjetke 6 trln 561 mlrd teńge somasynda kirister tústi nemese jospar 100,3 paıyzǵa oryndaldy. Kirister boıynsha jospar 22 mlrd teńgege artyǵymen oryndaldy, onyń ishinde salyqtar - 16 mlrd teńgege. Salyqtar boıynsha negizgi asyra oryndaý somasy korporatıvtik tabys salyǵyna, paıdaly qazbalar óndirýge salynatyn salyqqa jáne shıki munaıǵa eksporttyq keden bajdaryna tıesili», - dedi mınıstr
Onyń dereginshe, korporatıvtik tabys salyǵy boıynsha jospardy asyra oryndaý iri salyq tóleýshiler tólemderiniń ósýine baılanysty. Paıdaly qazbalar óndirýge salynatyn salyq boıynsha asyra oryndaýdyń negizgi sebebi tústi metaldardy óndirý kóleminiń ulǵaıýy boldy. Al shıki munaıǵa eksporttyq keden bajy boıynsha asyra oryndaý eksporttyq keden bajy mólsherlemesiniń bir barrel úshin 20-dan 40 AQSh dollaryna deıin ósýine baılanysty.
«Sonymen birge, jospar qosylǵan qun salyǵy boıynsha boıynsha 256 mlrd teńgege atqarylmady. Atqarylmaý sebepteri: 2019 jylmen salystyrǵanda qosylǵan qun salyǵyn qaıtarý 1,5 esege nemese 236 mlrd teńgege ósken; «Elektrondyq shot-faktýralar» aqparattyq júıesi derekterine sáıkes satý boıynsha aınalymdar 14 paıyzǵa azaıdy. Negizgi tómendeý taý-ken ónerkásibi salasyna tıesili. Onda aınalymdar burnaǵy jyldyń 11 aıymen salystyrǵanda 42 paıyzǵa nemese 8 trln teńgege kemigen. 2019 jylmen salystyrǵanda Qazaqstan Respýblıkasynyń úshinshi eldermen taýar aınalymy 14 paıyzǵa tómendedi», - dedi Erulan Jamaýbaev.