Qazaqstannyń ulttyq tarıhynyń birtutas beınesi qalyptasýy tıis - Memlekettik hatshy

ASTANA. 5 maýsym. QazAqparat - Qazaqstannyń ulttyq tarıhynyń birtutas beınesi qalyptasýy tıis. Búgin Elordadaǵy Eýrazııa ulttyq ýnıversıtetinde Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysynda QR Memlekettik hatshysy Marat Tájın osylaı málim etti.

«Qazirgi kúni memleketimizdiń qalyptasqan belesinde biz óz tarıhymyzdy osy zamanǵy ǵylymnyń bıiginen paıymdaýǵa jáne ulttyq tarıhtyń bólinbeıtin beınesin qalyptastyrýǵa tıispiz. Bizdiń tarıhymyz tutas tolqyn retinde qarastyrylýy kerek. Ol tolqynda árbir tarıhı dáýir kelesi dáýirdiń sıpatyn tabıǵı túrde aıqyndaıdy. Onda oqıǵalar men úderister bir-birimen baılanysyp, ózara sabaqtastyq alyp jatady», - dedi jıyn barysynda sóz sóılegen memlekettik hatshy M.Tájın.