Qazaqstannyń Ulttyq qoryna aktıvterdi esepteý tártibi ózgerdi

NUR-SULTAN. QazAqparat – Qazaqstan Respýblıkasy Úkimetiniń qaýlysymen Qazaqstan Respýblıkasynyń Ulttyq qoryna aktıvterdi esepteý tártibi ózgerdi, dep habarlaıdy QazAqparat.

«...kórsetilgen qaýlymen bekitilgen Qazaqstan Respýblıkasynyń Ulttyq qoryna aktıvterdi esepteý jáne Qazaqstan Respýblıkasynyń Ulttyq qoryn paıdalaný qaǵıdalarynda: 1-taraýdyń taqyryby mynadaı redaktsııada jazylsyn:

«1-taraý. Qazaqstan Respýblıkasynyń Ulttyq qoryna aktıvterdi esepteý tártibi»; 3-tarmaq mynadaı redaktsııada jazylsyn: «3. Munaı sektory uıymdaryna:

1) shıki munaıdy, gaz kondensatyn óndirýmen aınalysatyn zańdy tulǵalar;

2) shıki munaıdy, gaz kondensatyn barlaýǵa kelisimsharttar jasasqan zańdy tulǵalar;

3) jer qoınaýyn paıdalanýshy salyq mindettemesin zattaı nysanda oryndaý esebine bergen, paıdaly qazbalardy memleket atynan alýshylarjatady. Kelesi qarjy jylyna arnalǵan munaı sektory uıymdarynyń tizbesi aǵymdaǵy qarjy jylynyń 20 jeltoqsanyna qaraı jer qoınaýyn paıdalaný, munaı kelisimsharttaryn jasasý jáne oryndaý salasyndaǵy memlekettik saıasatty iske asyrýdy júzege asyratyn quzyretti organmen jáne bıýdjetti atqarý jónindegi ortalyq ýákiletti organmen birlesip bekitiledi», - dep jazylǵan Qaýly mátininde.

Qaýlynyń tolyq mátinin myna jerden oqýǵa bolady.