Qazaqstannyń ulttyq kıimderi men turmystyq zattary Pragada tanystyryldy
18:18, 26 Sáýir 2016
ASTANA. QazAqparat - Pragadaǵy Qazaqstan Elshiligi 2016 jyly 26 sáýirde «Oıý» kórmesiniń ashylýyna qatysty. Ony Chehııada akkredıttelgen Islam yntymaqtastyǵy uıymy elderiniń elshilikteri uıymdastyrdy.
ChR jáne SR-daǵy QR elshiliginiń habarlaýynsha, atalǵan kórme 1 mamyrǵa deıin jalǵasady. Ol Chehııa men musylman álemi arasyndaǵy konfessııaaralyq jáne mádenı yntymaqtastyqty damytýǵa baǵyttalǵan. Kórmede qoldan tigilgen ulttyq kıimder, kilemder, sýretter, qyshtan jáne sazdan jasalǵan ydystar, zergerlik buıymdar jáne t.b. qoıyldy.
Kórmeniń ashylý saltanatyna Chehııa Respýblıkasynyń Úkimeti men Parlamentiniń ókilderi, dıplomattar, chehııalyq jýrnalıster jáne mádenı qaıratkerleri qatysty.
Qazaqstannyń ekspozıtsııasynda elimizdiń ulttyq kıimderi men turmystyq zattary bar.