Qazaqstannyń úkimettik jáne bank júıesine hakerlik shabýyl jasalǵan joq - QR AKM

ASTANA. QazAqparat - 27 maýsymda birneshe eldiń energetıkalyq, telekommýnıkatsııalyq kompanııalaryna, sondaı-aq memlekettik organdaryna aýqymdy vırýstyq shabýyl (PETYA.A shıfrlaýshy vırýsy) jasaldy. QR Aqparat jáne kommýnıkatsııalar mınıstrligine, sondaı-aq vedomstvolyq uıymdarǵa, atap aıtqanda KZ-CERT qyzmetine Qazaqstan Respýblıkasy aýmaǵynda kompıýterlerdiń zaqymdalǵany týraly aqparat kelip túsken joq, dep habarlaıdy «Memlekettik tehnıkalyq qyzmet» ShJQ RMK baspasóz ortalyǵy.

Atalǵan vırýs birinshi kezekte Ýkraınanyń úkimettik kompıýterlerine, olardyń banktik júıelerine, sondaı-aq Chernobyl AES-ǵa shabýyl jasady.  Eń úlken nuqsan keltirilgen on eldiń qatarynda: Ýkraına, Italııa, Izraıl, Serbııa, Vengrııa, Rýmynııa, Polsha, Argentına, Chehııa jáne Germanııa kiredi.

Alynǵan derekter boıynsha, zaqymdaý fıshıngtik habarlamalar (Petıa.apx faıly) nemese M.E.doc býhgalterlik baǵdarlamasyn jańartýlar arqyly júrgiziledi. Sodan keıin vırýs WannaCry ádisterine uqsas «DoblePulsar jáne EternalBlue arqyly» lokaldyq jeli boıynsha taraıdy. Vırýs kompıýterleri buǵattap, bınkoınmen 300 dollar tóleýdi talap etedi.

KZ-CERT  kompıýterlik ıntsıdentterge áreket etý qyzmeti vırýstyń Qazaqstan Respýblıkasy aýmaǵynda taralýyna jol bermeý maqsatynda saıtta jáne áleýmettik jelilerda habarlama jarııalady, sondaı-aq baılanys operatorlaryna, «UAT» AQ men «Astana Ekspo-2017» kompanııasyna aqparat jiberildi. Qyzmettiń usynymdary 1024-1035, 135 jáne  445 TSR-porttaryn jabý men Server Message Block (SMB) jelisindegi derekterdi jiberý hattamasyn ajyratýdy qamtıdy.

Budan basqa, shıfrlaýshy paıdalanatyn osaldyqtardy jabatyn MS17-010 jańartýdy ornatýdy qatań túrde usynylady. Zaqymdalǵan jaǵdaıda kompıýterdi ajyratpaı, qurylǵyny Internetten ajyratyp gıbernatsııa rejımine aýystyrý usynylady.

Aqparat jáne kommýnıkatsııalar mınıstrligine, sondaı-aq vedomstvolyq uıymdarǵa, atap aıtqanda KZ-CERT qyzmetine Qazaqstan Respýblıkasy aýmaǵynda kompıýterlerdiń zaqymdalǵany týraly aqparat kelip túsken joq.

Qazirgi ýaqytta Internetke qol jetkizýdiń biryńǵaı shlıýzine qosylǵan memlekettik organdardy atalǵan vırýstan qorǵaý boıynsha barlyq qajetti sharalar qoldanylyp jatyr.