Qazaqstannyń úkimettik emes uıymdaryna grant taǵaıyndaý 5-baıqaýynyń nátıjesi jarııalandy
«Aqparat jáne qoǵamdyq damý mınıstrligi men Azamattyq bastamalardy qoldaý ortalyǵy arasynda grant alýshylarǵa granttyq qarajattardy berý týraly kelisimshart jasalǵan. 15 tamyzda granttyq qarjylandyrýǵa arnalǵan besinshi konkýrs aıaqtaldy. Úsh úkimettik emes uıym beıbit jınalystar ótkizýge, reprodýktıvti densaýlyq jáne otbasylyq qundylyqtardy nasıhattaýǵa qatysty granttardy jeńip aldy. Olar barynsha qyzyqty jobalar. Jalpy, osy jobaǵa 25 ÚEU-den 30 ótinim kelip tústi. Onyń ishinde táýelsiz baǵalaý júrgizý úshin 10 ÚEU-den 13 joba ǵana tehnıkalyq erekshelikteri boıynsha óte aldy. Konkýrstyq komıssııanyń otyrysy alǵash ret Azamattyq bastamalardy qoldaý ortalyǵynyń Facebook-tegi resmı paraqshasynda onlaın formatynda ótti. Nıet tanytqan barlyq adam jumys protsesin qadaǵalaıaldy. Biz jumysymyzdy barynsha ashyq oryndaýǵa tyrysamyz», - dedi ol.
Sonymen «Jastar arasynda reprodýktıvti densaýlyqty saqtaý máseleleri boıynsha konsýltatıvtik qyzmet kórsetý» jobasyn júzege asyrý Qazaqstannyń jynystyq jáne repordýktıvtik densaýlyq qaýymdastyǵyna buıyrdy. Al «Aq bosaǵa» áıelderdiń qoǵamdyq birlestigi otbasylyq ózara qarym-qatynasty nyǵaıtý boıynsha is-sharalardy júzege asyrýǵa arnalǵan grantty jeńip aldy. «Jas zańgerler palatasy» qoǵamdyq birlestigi «Beıbit jınalystardy uıymdastyrý jáne ótkizý boıynsha zańnamany túsindirý semınarlary» jobasyn júzege asyratyn bolady.
«Úkimettik emes uıymdar tarapynan jastar men otbasy saıasatyn qoldaýǵa baǵyttalǵan zobalarǵa qyzyǵýshylyq joǵary. Munan keıin qyzyǵýshylyq týdyrǵan jobalardyń qatarynda Volenter jylya arnalǵan sharalar bar. Aolenterlik uıymdar joǵary qyzǵýshylyq tanytty. Olar elimizde kóp eken. Bıyl osy eki negizgi baǵyt ÚEU-lar tarapynan joǵary suranysqa ıe bolyp tur», - dedi Bátıma Mýkına.
Jalpy, Azamattyq bastamalardy qoldaý ortalyǵynyń málimetterine sáıkes, bıyl 107 jobany júzege asyrýǵa 1,9 mlrd teńge bólingen. Volenter jyly aıasynda jalpy somasy shamamen 659 mln teńgeni quraıtyn 26 joba júzege asyrylady. Azamattyq ortalyqty qoldaý jáne damytýǵa arnalǵan 17 jobaǵa 72 mln, óńirlerdegi tutynýshylardyń quqyǵyn qorǵaý salasynda halyqtyń quqyqtyq saýatyn arttyrý baǵytyndaǵy 14 jobaǵa 45 mln, Aýyldyq ÚEU-lardyń áleýetin arttyrý úshin 4 jobaǵa 113 mln, azamattyq qoǵamdy damytýǵa arnalǵan 6 jobaǵa 46 mln, jastar men otbasylyq saıasatty qoldaý 20 jobasyna 622 mln, halyq arasynda kitap oqýdy nasıhattaý bir jobasyna 12 mln, qoǵamdyq kelisimmen jalpyulttyq birlikti nyǵaıtý baǵytyndaǵy 5 jobaǵa 346 mln teńge bólinip otyr.