Qazaqstannyń ÝEFA koeffıtsıentter reıtıngindegi orny belgili boldy

ASTANA. QazAqparat – Qazaqstan Chempıondar Lıgasy men Konferentsııa Lıgasyndaǵy birinshi irikteý kezeńiniń matchtarynan keıin ÝEFA koeffıtsıentter reıtınginde 38-ornynda qaldy, dep habarlaıdy QazAqparat KazFootball.kz basylymyna silteme jasap.

«Tobyl» fýtbol klýby Konferentsııa Lıgasynyń ekinshi irikteý kezeńine shyǵyp, onda shveıtsarııalyq «Bazelmen» oınaıtyny habarlanǵan bolatyn. Komandalar birinshi matchty 27 shilde kúni Shveıtsarııada ótkizedi. Qarymta kezdesý 3 tamyz Qazaqstanda bolady dep josparlanǵan.

Sonymen qatar 20 shilde kúni Chempıondar lıgasynyń birinshi irikteý raýndynyń qarymta matchynda «Astana» fýtbol klýby syrt alańda tbılıssılik «Dınamodan» basym tústi. Osylaısha, «Astana» irikteýdiń ekinshi kezeńine shyqty. Bul raýndta ol zagrebtik «Dınamomen» kim myqtyny anyqtaıdy.

ÝEFA koeffıtsıenti bylaı quralady: osy maýsymdaǵy ortasha upaıǵa (jınalǵan barlyq upaılar eýromaýsymǵa bir el atynan qatysyp jatqan klýbtar sanyna bólinedi) aldyńǵy tórt maýsymnyń nátıjesi qosylady. Koeffıtsıentter teń bolǵan jaǵdaıda sońǵy maýsymda kóp upaı jınaǵan el joǵary orynǵa ıe bolady.

ÝEFA koeffıtsıentteriniń kestesi:

1. Anglııa – 88.928 (2.000)

2. Ispanııa – 75.927 (2.500)

3. Italııa – 71.569 (2,285)

4. Germanııa – 69,552 (2.285)

5. Nıderland – 52.100 (0,800)

6. Frantsııa – 51,914 (1.333)

7. Portýgalııa – 46.649 (1.333)

8. Belgııa – 34.400 (0.000)

9. Shotlandııa – 30.450 (0.800)

10. Aýstrııa – 28.600 (0.800)

...

36. Latvııa – 9.750 (0.750)

37. Kosovo – 9.416 (0.875)

38. Qazaqstan – 9.125 (0.750)

39. Soltústik Irlandııa – 9.083 (1.000)

40. Farer – 8.625 (1.000)

Jaqshada osy maýsymnyń reıtıngi kórsetilgen.