Qazaqstannyń Turaqty ókili BUU Bas hatshysyna senim gramotalaryn tapsyrdy

NЬıÝ-IORK. QazAqparat – Qazaqstannyń BUU janyndaǵy Turaqty ókili Aqan Rahmetýllın BUU-nyń Nıý-Iorktegi shtab-páterinde atalmysh uıymnyń Bas hatshysy Antonıý Gýterrıshke senim gramotalaryn tapsyrdy. QazAqparat bul týraly QR Syrtqy ister mınıstrligine silteme jasap habarlaıdy.

«Kezdesý barysynda Bas hatshy Qazaqstan men BUU arasyndaǵy jahandyq kún tártibindegi barlyq ózekti máseleler boıynsha yntymaqtastyqtyń joǵary deńgeıin atap ótti.

A.Gýterrısh Qazaqstannyń jahandyq qarýsyzdaný, dinaralyq dıalogty ilgeriletý, Turaqty damý maqsattaryn júzege asyrý jáne teńizge shyǵar joly joq damýshy elderdiń múddelerin qamtamasyz etýdegi kóshbasshylyǵymen tanymal BUU-nyń senimdi seriktesi retindegi rólin erekshe atap ótti. Sondaı-aq ol Qazaqstan Prezıdenti Qasym-Jomart Toqaevtyń basshylyǵymen elimizde júzege asyrylyp jatqan aýqymdy reformalardy joǵary baǵalady.

Kezdesý sońynda taraptar Qazaqstan men BUU arasyndaǵy praktıkalyq yntymaqtastyqty odan ári keńeıtýdiń mańyzdylyǵyn rastady», - delingen mınıstrlik málimetinde.

Foto: gov.kz