Qazaqstannyń tranzıttik júk tasymaldaýshylaryna Ýkraına 50% jeńildik jasaıdy

ASTANA. QazAqparat - Ýkraınanyń Infraqurylym mınıstrligi Qazaqstannyń tranzıttik júk tasymaldaıtyn kemeleri úshin «Ýkrzalıznytsıa» JAQ usynǵan jeńildikterge qosymsha, porttyq alymdarǵa 50% jeńildik jasaýǵa daıynbyz dep málimdedi. Bul týraly QR IDM baspasóz qyzmeti habarlady.

Qazirgi ýaqytta QR Investıtsııalar jáne damý mınıstrligi baǵyttyń qatysýshy-memleketterimen Transkaspıı dálizine qolaıly jaǵdaılar jasaý máselesi boıynsha jumystar júrgizip jatyr. Osy másele buryn Odessa (Ýkraına) qalasynda «Eýropa-Azııa biriktirilgen kólik dálizderi» Halyqaralyq konferentsııasy sheńberinde ótkizilgen Qazaqstan, Ázerbaıjan, Ýkraına jáne Grýzııa kólik salasynyń ýákiletti organdarynyń ókilderi otyrysynda talqylanǵan edi.

Otyrys qortyndysy boıynsha Ýkraınanyń Infraqurylym mınıstrligi Qazaqstannyń tranzıttik júk tasymaldaýshylary úshin jeńildik jasaıtyny týraly óz sheshimin aıtty.

Sonymen qatar, QR Investıtsııalar jáne damý mınıstrligi Ázirbaıjan jáne Grýzııa taraptarymen Transkaspıı dáliziniń barlyq uzaqtyǵy boıynsha tasymaldaýshylar úshin ekonomıkalyq tıimdi jaǵdaılar jasaý máselesi talqylanyp jatyr.