Qazaqstannyń tranzıttik áleýetin arttyrý úshin temirjol jelileri salynady
«Qazirgi ýaqytta tasymaldaý kólemin odan ári arttyrý maqsatynda ótkizý qabiletin jańǵyrtýdy jáne ulǵaıtýdy talap etetin «tar» oryndar anyqtaldy. Sáıkesinshe «Qytaı-Eýropa-Qytaı» baǵyty boıynsha negizgi tranzıttik dálizde ekinshi jol salý jáne «Dostyq-Moıynty» temirjol ýchaskesin elektrlendirý josparlanýda. Bul joba dálizdiń ótkizý qabiletin 5 esege arttyrady, osylaısha Qytaıdan Eýropaǵa jyl saıyn artyp kele jatqan konteıner aǵynyn qamtamasyz etedi», - dedi QR IIDM Kólik komıteti tóraǵasynyń orynbasary Jánibek Taıjanov Ortalyq kommýnıkatsııalar qyzmetinde.
Sondaı-aq, qazirgi Saryaǵash ótkizý pýnktindegi júktemeni jeńildetý úshin Qazaqstan men Ózbekstan arasynda Darbaza-Maqtaral jańa temirjol jelisin salý josparlanýda.
«Bul jobany iske asyrý ýchaskeniń ótkizý qabiletin 2 ese arttyrýǵa – Ózbekstanmen táýligine poıyzdardy qabyldaý men tapsyrýdy 26-dan 50-ge deıin kóbeıtýge, júkterdi tasymaldaý merzimin 1,5 ese qysqartýǵa múmkindik beredi. Atalǵan joba Ortalyq Azııanyń Eýropaǵa eksporttyq-ımporttyq aǵymyn qabyldaýǵa múmkindik beredi, osylaısha Qazaqstannyń halyqaralyq naryqtardaǵy pozıtsııasyn nyǵaıtady», – deıdi J. Taıjan.
Spıkerdiń aıtýynsha, MJÁ tetigin qoldana otyryp, Almaty stantsııasyn aınalyp ótetin temirjol jelisin salý jobasyn iske asyrý jumystary júrýde. Jeliniń qurylysy Almaty stantsııasy arqyly tranzıtpen ótetin júk tasymaldaý merzimin 2 táýlikke deıin qysqartýǵa múmkindik beredi jáne Almaty stantsııasynyń júktemesin 40%-ǵa jeńildetedi.