Qazaqstannyń tóraǵalyǵy BUU QK-niń jumysyna jańa serpin berdi - BUU sarapshysy

NЬıÝ-IORK. QazAqparat - Qazaqstannyń BUU Qaýipsizdik Keńesindegi tóraǵalyǵy atalmysh qurylymǵa jańa serpin berdi. QazAqparatqa bergen suhbatynda Sciences Po Frantsııa saıası zertteýler ınstıtýtynyń professory, BUU janyndaǵy professor Shahrbaný Tadjbaksh (Shahrbanou Tajbakhsh) osyndaı pikir bildirdi.

«Qazaqstannyń BUU Qaýipsizdik Keńesindegi tóraǵalyǵy osy qurylymnyń damýyna úlken úles qosyp, elderdiń yntymaqtastyǵyna jańa kózqaras, tyń serpin berdi. Kún tártibindegi máseleler óte mańyzdy ári ınklıýzıvti. Qazaqstandyq dıplomattar BUU QK tóraǵalyǵynda joǵary kásibı deńgeıde eńbek etti. Qazaqstan Respýblıkasynyń BUU QK-degi tóraǵalyǵymen osy qurylym damýynyń jańa kezeńin baılanystyramyn», - dedi ol.

Onyń sózine qaraǵanda, BUU QK-niń 2010 jyldan beri alǵash ret Aýǵanstan mıssııasyn uıymdastyrýy, Terrorızmnen azat álemge qol jetkizý tártibi kodeksi jobasynyń tanystyrylýy aıtýly oqıǵalar boldy.

«Tarıhta alǵash ret BUU QK-niń turaqty emes músheleriniń týyn kóterýdiń jańa rásimi ótti. Qazaqstan BAQ-pen jumys isteý boıynsha Qaýipsizdik Keńesinde buryn-sońdy bolyp kórmegen ashyqtyq úlgisin tanytty - kóptegen suhbattar men brıfıngter ótkizildi», - deıdi Sh.Tadjbaksh.