Qazaqstannyń tól áskeri kásibı mamandarmen tolyǵýda

ASTANA. QazAqparat - 2015 jyly 3 000-nan asa qazaqstandyq kelisimshart boıynsha áskerı qyzmetshiler retinde Qazaqstan Qarýly Kúshteriniń qataryna kirdi, dep habarlady QR Qorǵanys mınıstrliginiń baspasóz qyzmeti.

Málimetterge sáıkes ótken 12 aı ishinde jergilikti áskerı basqarý organdaryna qazaqstandyq armııaǵa kelisimshart negizinde qyzmetke ornalasýǵa barlyǵy 6 000-ǵa jýyq adam nıet bildirgen. Júrgizilgen is-sharalar nátıjesinde QR QK serjanttar men sarbazdar laýazymdarynyń kelisimshart boıynsha áskerı qyzmetshilermen jasaqtalýy qazirgi kezde shtattyq sannan 71% deńgeıinde turaqtaldy.

QR QK BSh Uıymdastyrý-jumyldyrý jumystary departamentiniń habarlaýynsha, 2015 jyly júrgizilgen taldaý málimetteri boıynsha kelisimshart negizinde áskerı qyzmetke qabyldanǵan áskerı qyzmetshilerdiń sany da arta tústi. Іrikteý júıesin jetildirýdiń arqasynda oń nátıjelerge qol jetkizildi. Bul rette narkologııalyq testileýdi qosa eseptegende moraldyq-psıhologııalyq, kásibı qasıetteri men densaýlyq jaǵdaıyna erekshe mán beriledi. V, S sanatyndaǵy júrgizýshiler, baılanys, medıtsına, baǵdarlamalyq qamtamasyz etý mamandary úlken suranysqa ıe.

Kelisimshart boıynsha qyzmet - sanaly jáne kásibı turǵyda erkin túrde óz Otanynyń qorǵaýshysy atanýdyń múmkindigi. Kelisimshart boıynsha áskerı qyzmetshilerge áleýmettik jeńildikter qarastyrylǵan. Áskerı qyzmetshi men onyń otbasy músheleri baspanamen qamtamasyz etiledi nemese turǵyn úıdi jalǵa alǵany úshin aqshalaı ústemeaqy alady. Sondaı-aq tegin medıtsınalyq em-dom qabyldaý qarastyrylǵan. Qyzmetten bosatylý kezinde jıyrma jyldan astam eńbek ótili bar áskerı qyzmetshiler áskerı-medıtsınalyq mekemelerde medıtsınalyq qyzmetterdi alýdy jalǵastyrady, al jıyrma bes jyldan asa eńbek ótili barlary sanatorlyq-shıpajaıda em qabyldaıdy. Baspana alý jáne medıtsınalyq qyzmet kórsetilýden basqa, kelisimshart negizindegi áskerı qyzmetshi men onyń otbasy músheleri qonys aýdarý kezinde áýe, temirjol, sý jáne avtokólik qyzmetterin tegin alady.