Qazaqstannyń teńiz desanty jarystyń halyqaralyq kezeńine daıyndalýda (FOTO)

ASTANA. QazAqparat - Aqtaý qalasynyń mańyndaǵy Mańǵystaý oblysynyń «Oımasha» oqý-jattyǵý ortalyǵynda Armııa halyqaralyq oıyndary - 2016 aıasynda teńiz desantynyń bólimsheleri arasynda irikteý týrnıri bastaldy.

Qorǵanys mınıstrligi baspasóz qyzmetiniń habarlaýynsha, irikteýge 24 áskerıden quralǵan 5 komanda qatysqan. Jeńiske jetken komandaǵa ǵana Armııa oıyndarynyń joldamasy beriledi.

Jarysqa qatysýshylar vzvod quramynda desanttaý, júgirý, desanttyń urys mashınasyndaǵy jeke jarys, sondaı-aq ekıpajsyz vzvod quramynda jeke bıatlon, atys qarýy men granata atqyshtardan oq atý sekildi teńiz desantynyń jaýyngerlik tapsyrmalaryn oryndady.

Baıqaý ekinshi úlgidegi desanttyń urys mashınalarynda nemese BTR-82-de ótkizildi. Áskerı qyzmetshiler baıqaýdyń tórt kezeńinen ót edi. Jeńimpaz komandasy halyqaralyq kezeńge daıyndalady.

Ótken jyly alǵashqy Armııa halyqaralyq oıyndarynda teńiz jaıaý áskerleri 3-oryndy enshilegen bolatyn.

Teńiz desantshylary - bul teńiz desanttyq operatsııalarǵa qatysatyn jáne jaýyngerlik is-qımyldardyń ózge de túrlerinde soqqy jasaqtary retinde qoldanylatyn áskerı qyzmetshiler.