Qazaqstannyń temirjolshylary Naýryz meıramyn atap ótýde

ASTANA. QazAqparat – «Qazaqstan temir joly» qyzmetkerleri Naýryz meıramyna oraı Uly dalanyń dástúri men saltyn pash etetin is-sharalardy jyl saıyn óz kúshimen uıymdastyryp keledi, dep habarlaıdy QazAqparat kompanııanyń baspasóz qyzmetine silteme jasap.

Bıyl QTJ ujymy Naýryz baǵdarlamasyn kóshpendilerdiń Jeti qazynasyna arnaǵan.

«Temirjolshylar Astanada etnoaýyl uıymdastyryp, jeti kıiz úı tikti.

Kıiz úılerdiń birinde búrkit jáne suńqarmen qysta ańǵa shyǵý erekshelikteri týraly aıtyldy. Búrkitshiler dástúr boıynsha ańǵa tazy ertip, ańǵa shyǵady.

Al kórshi kıiz úıde batyrlardyń bes túrli qarýy nazarǵa usynyldy.

Etnoaýyl qonaqtary úshin ár otbasynyń kıeli dástúri sanalatyn – besikke salý jáne tusaýkeser rásimderi kórsetildi», - delingen QTJ habarlamasynda.

Kompanııanyń baspasóz qyzmetinen málim etkendeı, temirjolshylar salt-dástúrdi saqtap, jas urpaqqa nasıhattaýdy paryz dep biledi.