Qazaqstannyń temirjol vokzaldarynda tekserý protsedýrasy engiziledi

ASTANA. QazAqparat - Qazaqstannyń 16 vokzalynda temirjol vokzaldarynda jolaýshylardy, qol júkterdi jáne bagajdardy tekserý júıesi engiziledi.  Bul týraly «Qazaqstan temir joly» UK» AQ baspasóz qyzmetinen habarlady.

Tekserý protsedýrasy jolaýshylardyń qaýipsizdigin joǵarlatý jáne antıterrorıstik qorǵalýdy qamtamasyz etý aıasynda aǵymdaǵy jyldyń 1 aqpannan bastap iske qosylady.

 «Tekserý protsedýrasy elimizdiń vokzaldarynda kezeń kezeńmen engiziledi. 1 aqpannan bastap Almaty-1 men Almaty-2, 1 sáýirde Astana vokzalynda, al qalǵan 13 temirjol vokzaldarynda 1 maýsymda uıymdastyrylady. Osyǵan baılanysty 56 teksermeleý jabdyq kesheni satyp alyndy», -  dedi QTJ» UK» AQ magıstraldik jeli dırektsııasynyń vokzal sharýashylyǵy Departamentiniń dırektory Juban Kórpebaev.

 J.Kórpebaevtyń aıtýynsha, bul oraıda tekseristi ótip, poıyzǵa keshikpeý úshin jolaýshylar vokzaldarǵa aldyn ala kelý qajettiligin málimdedi.