Qazaqstannyń syrtqy júk tasymalyna pandemııa qalaı áser etti
«Pandemııa kezinde syrt elden júk jetkizý ýaqyty orta eseppen 5 kúndi qurady. Al buryn 12 kúnge deıin ýaqyt alatyn. Mysaly, Qytaıdyń Chýntsın qalasynan Germanııanyń Dýısbýrg qalasyna taýar 11-12 kúnde jetkiziledi. Jáne júk konteınerleri teńiz arqyly 50 kún ishinde jetkizilse, biz temirjol arqyly 12 kúnde jetkize alamyz. Degenmen, pandemııaǵa baılanysty jetkiziletin júktiń kólemi artty, sáıkesinshe jetkizý merzimi de 17-18 kúnge deıin sozyldy», - dedi Erjan Baıǵojın baspasóz týry barysynda.
Sondaı-aq, departament basshysy elimizde konteınermen júk tasymaldaý kóleminiń artqanyn málim etti.
«Qazir elimizde tranzıttik-logıstıkalyq tasymaldaý úderisi artty, óıtkeni avtomobıl tasymaly jabyq ıaǵnı halyqaralyq tasymal joqtyń qasy. Sondyqtan da barlyq júk tasymaly temirjol arqyly júzege asyrylady. Qazirgi ýaqytta temirjol júk tasymaly táýlik boıy tynymsyz jumys istep tur. Memlekettik jáne jeke kompanııalardyń kómegimen kez kelgen júkti jetkize alamyz. Búginde júkti konteıner arqyly tasymaldaý joǵary suranysqa ıe, sebebi ol óte yńǵaıly ári qaýipsiz. Aıtar bolsaq, júkti Qytaıdan alyp keledi, osyndaǵy logıstıkalyq termınalda qabyldap, odan ári tapsyrys berýshige jetkizedi. ıAǵnı, «esik aldyna deıin jetkizý» qaǵıdatymen jumys isteıdi. Bul konteınermen júk tasymaldaýdyń tıimdiligin kórsetip otyr», - deıdi ol.