Qazaqstannyń syrtqy saýda palatasy TMD elderi palatalarynyń basshylar Keńesin basqarady
11:29, 26 Qazan 2015
ASTANA. QazAqparat - Erevanda TMD-ǵa qatysýshy elder basshylary Keńesiniń kezekti otyrysy ótti, onda Keńes músheleri Qazaqstan Syrtqy saýda palatasynyń basshysy Meıirbek Májıtovti tóraǵa etip saılady.
Qazaqstan syrtqy saýda palatasy baspasóz qyzmeti atap ótkendeı, qazaqstandyq tarap úshin bul mańyzdy oqıǵa, sebebi Qazaqstan tóraǵalyǵy Táýelsiz memleketter Dostastyǵy elderiniń negizi qalanǵanyna 25-jyl tolý mereıtoıymen sáıkes keledi.
Sondaı-aq otyrys aıasynda palata basshylary TMD elderi taýarlarynyń, jumystarynyń jáne kórsetiletin qyzmetteriniń álemdik naryqtarda básekege qabilettiligin kúsheıtýge qatysty máselelerdi keńinen talqylady.
Otyrys qorytyndysy boıynsha taraptar TMD-ǵa qatysýshy elder palata basshylary Keńesiniń kezekti otyrysyn 2016 jyly Astanada ótkizetini jaıly biraýyzdan sheshim qabyldady.