Qazaqstannyń syrtqy saýda aınalymy 3,7% azaıdy
2021 jylǵy qańtar-mamyrda 2020 jylǵy qańtar-mamyrǵa qaraǵanda qysqa merzimdi ekonomıkalyq ındıkator 102% qurady. Qysqa merzimdi ekonomıkalyq ındıkator JІÓ-iń 60% astamyn quraıtyn: aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi.
Budan bólek, 2021 jylǵy qańtar-mamyrda:
- negizgi kapıtalǵa salynǵan ınvestıtsııalar kólemi 3830 mlrd teńgeni qurady, bul 2020 jylǵy qańtar-mamyrǵa qaraǵanda 5,6% kem.
- ónerkásip óndirisiniń kólemi qoldanystaǵy baǵalarda 14019,1 mlrd teńgeni qurdy, bul 2020 jylǵy qańtar-mamyrǵa qaraǵanda 1,4% artyq. Tómendeý ken óndirý ónerkásibinde jáne karerlerdi qazýda (4,9%) tirkelgen. Bul rette ósim óńdeý ónerkásibinde (7,2%), elektrmen jabdyqtaý, gaz, bý berý jáne aýa baptaýda (5,6%), sýmen jabdyqtaýda, qaldyqtardy jınaý, óńdeý jáne joıý, óndiris lastanýyn joıý boıynsha qyzmette (7,6%) baıqalady.
- aýyl, orman jáne balyq sharýashylyǵy óniminiń (qyzmetiniń) jalpy shyǵarylymynyń kólemi 1110,2 mlrd teńgeni qurady, bul 2020 jylǵy qańtar-mamyrǵa qaraǵanda 3,1% artyq.
- qurylys jumystarynyń (qyzmetteriniń) kólemi 1139,7 mlrd teńgeni qurady, bul 2020 jylǵy qańtar-mamyrǵa qaraǵanda 11,3% artyq.
- «Kólik jáne qoımalaý» salasy boıynsha naqty kólem ındeksi 93,1% qurady.
- júk aınalymynyń kólemi 228,6 mlrd tonna-shaqyrymdy (kommertsııalyq júk tasymaldaýmen aınalysatyn dara kásipkerlerdiń júk aınalymy kólemin baǵalaýdy esepke alǵanda) qurap, 2021 jylǵy qańtar-mamyrmen salystyrǵanda 0,4% kemidi. Jolaýshylar aınalymynyń kólemi 34,4 mlrd jolaýshy-shaqyrymdy qurap, 51,6% kemidi.
- «Baılanys» salasy boıynsha naqty kólemi ındeksi 111,6% qurady.
- «Saýda» salasy boıynsha naqty kólem ındeksi 106,7% qurady.
- bólshek saýda kólemi 4098,9 mlrd teńgeni nemese 2020 jylǵy tıisti kezeń deńgeıimen salystyrǵanda 107,5% qurady (salystyrmaly baǵada).
- kóterme saýda kólemi 9091 mlrd teńgeni nemese 2020 jylǵy tıisti kezeń deńgeıimen salystyrǵanda 108,3% qurady (salystyrmaly baǵada).
2021 jylǵy qańtar-sáýirde Qazaqstannyń syrtqy saýda aınalymy 28107,7 mln AQSh dollaryn qurap, 2020 jylǵy qańtar-sáýirmen salystyrǵanda nomınaldy mánde 3,7% azaıdy, onyń ishinde eksport – 16712,5 mln AQSh dollaryn (11,8% az, nomınaldy mánde), ımport – 11395,2 mln AQSh dollaryn qurady (11,5% kóp, nomınaldy mánde).
2021 jylǵy 1 maýsymdaǵy jaǵdaı boıynsha tirkelgen zańdy tulǵalardyń sany 468027-i qurady jáne ótken jylǵy tıisti kezeńmen salystyrǵanda 3,6% artty, onyń ishinde qyzmetkerleriniń sany 100 adamnan azy – 459406. Jumys istep turǵan zańdy tulǵalardyń sany 340530 qurady, onyń ishinde 332126-sy shaǵyn kásiporyndar (100 adamnan az).
Tutyný baǵasynyń ındeksi 2021 jylǵy mamyrda 2020 jylǵy jeltoqsanmen salystyrǵanda 103,5% qurady. Azyq-túlik taýarlarǵa baǵalar – 4,9%, azyq-túlik emes taýarlarǵa – 3,1%, halyqqa arnalǵan aqyly kórsetiletin qyzmetterge 2,1% ósti. Ónerkásip ónimderine óndirýshi kásiporyndar baǵasy 2021 jylǵy mamyrda 2020 jylǵy jeltoqsanmen salystyrǵanda 24,5% ósti.