Qazaqstannyń Syrtqy ister mınıstri Japonııada saparmen júr

TOKIO. QazAqparat - Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi «Ortalyq Azııa – Japonııa» dıalogynyń Syrtqy ister mınıstrleriniń 9-shy keńesine qatysý úshin Tokıoǵa saparmen keldi. Bul týraly QazAqparat SІM silteme jasap habarlaıdy.

Birinshi kúni M. Tileýberdi Ortalyq Azııa memleketteriniń syrtqy saıası vedomstvolary basshylarynyń Japonııa Premer-Mınıstri Fýmıo Kıshıdamen kezdesýine qatysty. Óz sózinde M.Tileýberdi 30 jyl ishinde Qazaqstan men Japonııa birlesken kúsh-jigerdiń arqasynda saıası, saýda-ekonomıkalyq jáne mádenı-gýmanıtarlyq salalardaǵy ekijaqty qatynastardyń damý serpinin kórsetetin keńeıtilgen strategııalyq áriptestik deńgeıine qol jetkize alǵanyn atap ótti.

Sondaı-aq mınıstrler Japonııanyń Ortalyq Azııa elderimen Dostyq parlamenttik lıgasynyń múshelerimen kezdesti, ol 2022 jylǵy 24 qarashada Japonııanyń bizdiń óńir memleketterimen dıplomatııalyq qatynastardyń ornaǵanyna 30 jyl tolýyna oraı quryldy. Bul Lıgada ár túrli saıası partııalardyń atynan shyqqan Japonııa Parlamentiniń eki palatasynyń depýtattary bar.

Mınıstr M. Tileýberdi Lıganyń beıbitshilik pen turaqtylyqty nyǵaıtý, ornyqty damýdy qamtamasyz etý jónindegi óńiraralyq jáne jahandyq kúsh-jigerdi shoǵyrlandyrý úshin belsendi parlamentaralyq jáne partııaaralyq dıalogty keńeıtýge qyzmet etýge shaqyrylǵanyna senim bildirdi.

Foto: gov.kz