Qazaqstannyń Sý sporty túrleri federatsııasyna jańa prezıdent saılandy
Aıta ketsek, Andreı Krıýkov buryn atalmysh federatsııanyń bas hatshysy qyzmetin atqarǵan.
«Meniń Ulttyq olımpıada komıtetin basqaratynymdy bilesizder. Mádenıet jáne sport mınıstrliginiń buıryǵyna sáıkes, 2018 jyldan bastap UOK joǵary nátıjeleri bar sport túrlerin qarjylandyrý isin alyp júredi. Etıka men múddelerdiń soqtyǵyspaýyn eskere otyryp, Sý sporty túrleri federatsııasynyń basshylyǵynan ketkenim jón dep sheshtim», - dedi Tımýr Qulybaev federatsııanyń elordada ótken búgingi otyrysynda.
Onyń aıtýynsha, aldaǵy Olımpıada oıyndarynda altyn medalǵa úmittilerdiń biri – Dmıtrıı Balandın. Qazirgi ýaqytta ol AQSh-ta daıyndalyp jatyr.
«AQSh-ta daıyndalyp jatqan sportshylarǵa qyrýar qarjy bólinip jatyr. Úmit aqtalar degen senimdemin. Al men óz ornyma Andreı Krıýkovty usynamyn», - dedi Qulybaev.
Federatsııa músheleriniń bári bir aýyzdan usynylǵan úmitkerdi qoldap daýys berdi.
Eske sala ketsek, Qazaqstan boks federatsııasynyń búgingi otyrysynda Tımýr Qulybaev atalmysh federatsııa basshylyǵynan ketetinin málimdegen bolatyn. Onyń ornyna belgili qazaqstandyq bıznesmen Keńes Raqyshev saılandy.
Foto: ınstagram aquatics.kz.