Qazaqstannyń sport jýrnalısteri birigýge uıǵardy

ASTANA. QazAqparat - Qazaqstannyń sport baspasózi qaýymdastyǵy men Sport jýrnalısteri federatsııasy birlesken otyrysyn ótkizdi, onyń barysynda qoǵamdyq uıymdar birigý kerek degen toqtamǵa keldi, dep habarlady Sports.kz.

«Ótken aptada Astana men Almatydaǵy zamanaýı baılanys arqyly Qaýymdastyqtyń atqarý komıtetiniń kóshpeli otyrysy boldy, oǵan jaqynda saılanǵan Qazaqstan sport jýrnalısteri federatsııasynyń prezıdenti Іlııa Orazaqov pen osy birlestiktiń bas hatshysy Rımma Tájibaeva qatysty, - dep áńgimeledi Omarov. - Ashyǵyn aıtqanda, osy kezdesýdi biz QSBQ atqarý komıtetindegi áriptester kópten, naqty aıtqanda byltyrǵy kúzden beri kútken edik».

Otyrys barysynda QSBQ-nyń QSJF-men bir uıymǵa birigýi jáne qaýymdastyq atqarý komıtetine federatsııa ókilderin engizý máseleleri qaraldy.

Sonymen qatar Qazaqstandaǵy sport baspasóziniń jumysyn jaqsartýǵa baǵyttalǵan yqtımal birlesken jobalardy júzege asyrý jóninde usynystar engizildi.

Otyrys qorytyndysymen QSBQ men QSJF-nyń zańda túrde birigýi osy jylǵy shilde aıynyń ortasyna belgilendi.