Qazaqstannyń sot júıesi kommertsııalyq daýlar salasynda úzdik halyqaralyq standarttardy engizedi - Q. Mámı
Bul týraly búgin QR Joǵarǵy Sotynyń tóraǵasy Qaırat Mámı málim etti.
«Ótken jyl eldiń sot júıesi úshin «100 naqty qadam» Ult josparynda Memleket basshysy aıqyndaǵan maqsattardy júzege asyrý belgisimen ótti. Qazaqstan sot júıesi aldynda sot tóreliginde úzdik halyqaralyq standarttardy engizýge baılanysty jańa mindetter tur, onyń ishinde ınvestıtsııalyq jáne kommertsııalyq daýlar salasyndaǵy qadamdar eskerilgen»,-dedi Q. Mámı QR Joǵarǵy Sotynyń janyndaǵy Halyqaralyq keńestiń birinshi otyrysynda.
Aıta keteıik, otyrystyń kún tártibine sáıkes, ınvestıtsııalyq daýlar uǵymdaryn anyqtaýdyń tásilderi, sondaı-aq Qazaqstan Respýblıkasy sýdıalarynyń minez-qulyq qaǵıdattary men qaǵıdalary ádep kodeksiniń jańa jobasy talqylandy. Osy oraıda 2016 jyly QR Sýdıalarynyń minez-qulyq qaǵıdattary men qaǵıdalarynyń jańa ádep kodeksin qabyldaý josparlanyp otyr.