Qazaqstannyń shekara beketterinde sanıtarlyq-karantındik pýnktter qurylady

NUR-SULTAN. QazAqparat - Elimizdiń memlekettik shekaralarynda ornalasqan ótkizý beketterinde sanıtarlyq-karantındik pýnkter qurylady, dep habarlaıdy QazAqparat QR Indýstrııa jáne ınfraqurylymdyq damý mınıstrligine silteme jasap.

«QR Indýstrııa jáne ınfraqurylymdyq damý mınıstrligi Ulttyq qaýipsizdik komıtetiniń Shekara qyzmetimen birlese otyryp, Qazaqstan Respýblıkasynyń memlekettik shekarasyndaǵy ótkizý beketterinde sanıtarlyq-karantındik pýnkterdi qurý sharalaryn qolǵa aldy.

Arnaıy karantındik aımaqtar qurylatyn ótkizý beketteriniń tizimin QR Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııa bekitetin bolady. Budan bólek, jekelegen ótkizý pýnkterin ýaqytsha jabý múmkindigi qaralmaq», - delingen vedomstvo aqparatynda.

Búginde Qazaqstannyń memlekettik shekarasynda barlyǵy 51 ótkizý beketi bar. Onyń 37-si Eýrazııalyq ekonomıkalyq odaq elderiniń (Reseı Federatsııasy, Qyrǵyzstan Respýblıkasy) shekarasynda, 14-i Qytaı Halyq Respýblıkasymen, Ózbekstan jáne Túrikmenstanmen shekarada ornalasqan.