Qazaqstannyń shalǵaı aýyldaryna utqyr medıtsınalyq brıgadalar barady

ASTANA. QazAqparat - 2011-2015 jyldarǵa arnalǵan «Salamatty Qazaqstan» baǵdarlamasyn iske asyrý maqsatynda jyl saıyn Qazaqstanda 1 shildeden 31 tamyzǵa deıin eldiń aýyl halqy úshin «Densaýlyq joly» keń aýqymdy aktsııasy ótkiziledi.

Bul týraly QR Densaýlyq saqtaý mınıstrliginiń Salaýatty ómir saltyn qalyptastyrý máseleleri ulttyq ortalyǵynyń baspasóz qyzmetinen habarlady. «Bıylǵy jyly ótkizilgen «Densaýlyq joly-2014» aqparattyq-kommýnıkatsııalyq naýqanynyń negizgi maqsaty qan aınalymy, qant dıabeti, isik aýrýlary jáne aýrýlardyń qaterli faktorlary júıesiniń aldyn alýǵa baǵyttaldy», - dep habarlady SÓSQM UO baspasóz qyzmetinen.

Bul naýqanda terapevtik, kardıologııalyq, endokrınologııalyq jáne onkologııalyq qyzmetterdiń, salaýatty ómir saltyn qalyptastyrý qyzmetiniń mamandarynyń tartylýymen shalǵaı aýyldarǵa utqyr medıtsınalyq brıgadalar shyǵarylmaq.